Sýretti túsirgen – Erlan OMAR, «EQ»
Aptalyq aıasynda 1 500-den astam is-shara ótkizý josparlanǵan. Atap aıtsaq, 16 sáýir – «Artyq bilim kitapta…», 17 sáýir – «Sóz ónerindegi ólketaný», 18–19 sáýir – «Weekend. Book. Vibes», 20 sáýir – «Kitaphana túni» aksııasy, 21 sáýir – «Kitap. Tarıh. Shejire», 22 sáýir – «Kitap – dostyq ambassadory», 23 sáýir – Ulttyq kitap kúni bolyp belgilendi.
«Artyq bilim kitapta…» taqyrybyndaǵy alǵashqy kúnde kitaptyń oqý men aǵartýdyń, rýhanı damýdyń qaınar kózi retindegi mánin aıqyndaýǵa baǵyttalǵan. О́ńirlerde kitap festıvaldary, ashyq esik kúnderi, jármeńkeler, kitap oqý marafondary, sondaı-aq baspalar men kitap dúkenderi birlesip túrli is-sharalar ótkizdi. Ekinshi kún jergilikti avtorlardy jáne ólketaný ádebıetin tanytýǵa arnalady. Al «Weekend. Book. Vibes» kúninde oqý ýaqyty, ádebı kafe, oqý/kitap máziri (arnaıy tizim), kitap oqý alańdary, talqy like, taza aýada kitap oqý, róldik oqý, kitap týraly fılmder kórý, kitap klýbtarynyń is-sharalary men balalarǵa arnalǵan tanymdyq jobalar ótedi.
Baǵdarlamanyń ár ataýly kúninde kitaphanalarda kelýshilerge taqyryptyq kórmeler, tanystyrylymdar men túrli baǵdarlamalar uıymdastyrylyp, kitapqa degen qyzyǵýshylyqty arttyrýǵa, onyń qoǵamdaǵy ornyn nyǵaıtýǵa erekshe mán beriledi.
