Halyqaralyq zertteý haby men zamanǵa ıkemdi ǵylymı ınfraqurylym jelisin qurýdy maqsat etetin ortalyq akademııalyq keńistikti qamtıtyn alańǵa aınalmaq.
Saltanatty jıynda Premer-mınıstrdiń orynbasary – Mádenıet jáne aqparat mınıstri A.Balaevanyń quttyqtaý sózi oqyldy.
«Uly dalanyń órkenıettik murasyn zertteýge jáne halyqaralyq ǵylymı yntymaqtastyqty damytýǵa eleýli úles qosatynyna senim bildirip, «Uly dala: Turan órkenıeti» halyqaralyq zertteý ortalyǵynyń ashylýy otandyq gýmanıtarlyq ǵylymnyń jańa kezeńin aıqyndaıtyn mańyzdy oqıǵa ekenin jetkizdi. Bul bastama alǵash ret 2025 jyldyń jeltoqsanynda akademıktermen ótken kezdesýde usynylyp, qysqa ýaqyt ishinde halyqaralyq zertteý ortalyǵyna aınalyp otyr» delingen quttyqtaýda.
Prezıdent janyndaǵy Ulttyq ǵylym akademııasynyń prezıdenti A.Kúrishbaevtyń aıtýynsha, jańa Konstıtýsııanyń preambýlasyndaǵy «Biz, birtutas Qazaqstan halqy, baıyrǵy qazaq jerinde memlekettilikti nyǵaıta otyryp, Uly Dalanyń myńdaǵan jyldyq tarıhynyń sabaqtastyǵyn saqtap...» degen sózder memleketimizdiń tereń tarıhı jáne órkenıettik negizin aıqyndaıdy.
Astanada sarapshylar jerdiń tozýyn tejeıtin ǵylymı tásilderdi talqylady
Álemdik tájirıbede tıimdiligi dáleldengen Konfýsıı, Gete jáne Iýnýs Emre ınstıtýttaryn mysalǵa keltire otyryp, ortalyq úsh deńgeıli model negizinde jumys isteıtinin atap ótti.
«Ulttyq ǵylym akademııasy basqaratyn ortalyq ǵylymı hab, el ishindegi ýnıversıtetter men ǵylymı uıymdardy biriktiretin ulttyq jeli, sondaı-aq sheteldik alańdarda qurylatyn «Turan ortalyqtary» men «Turan kafedralary». Sonymen qatar ol «Turan Civilization Digital Atlas» platformasy, sıfrlyq arhıvter men jańa bilim berý baǵdarlamalary arqyly GIS, jasandy ıntellekt jáne ınteraktıvti kartografııany gýmanıtarlyq zertteýlerge engizý kózdeletinin, bul ǵylymı nátıjelerdiń keń qoljetimdiligin qamtamasyz etetinin atap ótti. Bul bastama Qazaqstannyń halyqaralyq gýmanıtarlyq bedelin arttyryp, Uly dala órkenıetin jahandyq ǵylymı keńistikte tanymal brendke aınaldyrý arqyly eldiń zııatkerlik ımıdjin nyǵaıtady» dedi UǴA prezıdenti.
«Ortalyqtyń qurylýy – Uly dalany tutas órkenıettik keńistik retinde ǵylymı turǵydan zerdeleýge, Ortalyq Eýrazııanyń tarıhı-mádenı murasyn jańasha paıymdaýǵa jáne zamanaýı tehnologııalardy gýmanıtarlyq zertteýlermen ushtastyrýǵa baǵyttalǵan mańyzdy qadam. Atalǵan bastama ǵylym, bilim jáne saraptamalyq qyzmettiń ózara yqpaldasýyn kúsheıtip, otandyq ǵylymnyń damýyna jańa serpin beredi» dedi Ǵylym jáne joǵary bilim mınıstri S.Nurbek.
Is-sharaǵa Qyrǵyzstan, О́zbekstan, Túrikmenstan Respýblıkasy, Túrkııanyń konsýldary men dıplomatııalyq ókilderi, sondaı-aq halyqaralyq uıymdardyń ókilderi, joǵary oqý oryndary men ǵylymı uıymdardyń basshylary, akademıkter men jetekshi sarapshylar qatysty.
Elimizde ǵylym qalashyqtary men ǵylymı-tehnologııalyq parkter qurylady
Ǵalymdar uly dalany tutas órkenıettik aımaq retinde pánaralyq turǵydan zertteý máselelerin talqylap, «Turan órkenıeti» ǵylymı paradıgmasynyń ádisnamalyq negizderin aıqyndady. Ortalyq Eýrazııanyń tarıhı-mádenı murasyn, órkenıettik sabaqtastyqty, tarıhı jadyny sıfrlandyrýdy, gýmanıtarlyq zertteýlerge zamanaýı tehnologııalardy engizýdi, sondaı-aq ǵylym, bilim jáne saraptamalyq qyzmetti yqpaldastyrý máselesine nazar aýdardy.
ALMATY
