Negizgi ózgeris – burynǵy «ıpotekalyq qaryzdy óteý» degen túsinik «ıpotekalyq nesıeniń negizgi qaryzyn óteý» dep ózgertildi. Iаǵnı endi zeınetaqy qarajaty tek kredıttiń negizgi somasyn jabýǵa ǵana jumsalady.
Buǵan deıin azamattar zeınetaqy jınaǵyn ıpotekanyń aı saıynǵy tólemin tolyq jabýǵa paıdalana alatyn. Onyń ishinde negizgi qaryz, paıyzdar, komıssııalar jáne basqa da tólemder qamtylatyn.
Jańa tártip boıynsha paıyzdar men qosymsha tólemder azamattyń óz esebinen tólenedi. Al zeınetaqy qarajaty tek negizgi qaryzdy azaıtýǵa baǵyttalady.
Mysaly, aı saıynǵy tólem 450 000 teńge bolsa, onyń 200 000 teńgesi negizgi qaryzǵa, al 250 000 teńgesi bank paıyzdaryna ketedi. Endi zeınetaqy tek 200 000 teńgeni jabady, qalǵan somany qaryz alýshy ózi tóleıdi.
Keıbir bankter jańa tártip boıynsha naqty shema engizip jatyr. Aldymen klıent paıyzdar men aı saıynǵy tólemdi óz qarajatymen jabýy kerek. Keıin ǵana zeınetaqy jınaǵyn sheshýge ótinish beredi. Eger tólemder tolyq ótelmese, operasııa oryndalmaıdy.
Sonymen qatar ıpotekany óteý úshin jańa qaryz týraly anyqtama qajet bolady. Ony bank arqyly alyp, arnaıy portalǵa júkteý kerek. Qujatta negizgi qaryzdyń qaldyǵy naqty kórsetilýi tıis.
Jalpy alǵanda, jańa erejeler zeınetaqy qarajatyn tek negizgi qaryzdy azaıtýǵa baǵyttap, ıpotekany óteý tártibin qatańdatady.
