Foto: Vıdeodan alynǵan kadr
Qaıǵyly oqıǵa Qaraǵandydan 300 shaqyrym jerde ornalasqan Aǵadyr kentiniń ortalyǵynda bolǵan. Málimetterge súıensek, eki motosıkl de bir baǵytta qozǵalyp kele jatqan. Bir sátte ákesin mingestirip alǵan 17 jastaǵy bozbala basyp ozý maqsatynda qarsy betke shyqqan. Alaıda aldynan avtokólik kóringen soń, ol shuǵyl óz jolaǵyna qaıta oralmaq bolǵan. Sol mezette ekinshi motosıklmen soqtyǵysqan.
Ekinshi motosıkl tizgininde 37 jastaǵy er adam bolǵan. Soqqynyń qatty bolǵany sonshalyq, eki júrgizýshi de oqıǵa ornynda til tartpaı ketken. Aıta keterligi, eki azamat ta qorǵanys dýlyǵasyn (shlem) kımegen. Al jasóspirimniń ákesin dárigerler qarap, úıine qaıtarǵan.
Ál-Farabı dańǵylyndaǵy jol apaty: Kúdikti tergeý ızolıatoryna qamaldy
Qazirgi ýaqytta atalǵan fakti boıynsha tıisti tekserý jumystary júrgizilip jatyr.
Eske salaıyq, 21 naýryzǵa qaraǵan túni Almatyda jol apaty saldarynan úsh adam kóz jumdy. Jol apatynan keıin Almatyda kólik qozǵalysyna baqylaý kúsheıtilip, polısııa basshylary qyzmetinen bosatyldy.
