OLIMPIADAShYLAR ELMEN, JERMEN TANYSTY

Budan buryn habarlaǵanymyzdaı, aqyl-oıdyń baılyǵyn qarǵadaılarynan qanat etken, qarymy myqty, qabileti eren álemniń alty qurlyǵynan kelgen 51 halyqaralyq matematı­ka­lyq olımpıadaǵa qatysýshylar negizgi synnan emtıhan tapsyrǵan soń, Otanymyzdyń elimen, jerimen tanysty. Biz halyqaralyq bilim jarysyna kelgen 1000-ǵa tarta oqýshyny Astanada qabyldap, odan keıin matematıkadan synaq tapsyrý ju­my­syn Arqa tósindigi kórikti de kórkem óńir, or­many men kólderi kózdiń jaýyn alatyn Býrabaı baýyryndaǵy “Baldáýren” respýb­lı­ka­lyq oqý-saýyqtyrý kesheninde ótkizdik. Oqý­shylar eki kúnge sozylǵan matematıka synaǵyn tapsyrǵannan keıin qazylar alqasy qory­tyn­dysyn shyǵarǵansha biz oqýshylardy “Býrabaı” ulttyq tabıǵı parkine saıahat jasatyp, Otany­myz­dyń darhan dalasymen jan-jaqty tanys­tyrdyq, deıdi “Daryn” ǵylymı-praktıkalyq ortalyǵynyń dırektory Tildash Bıtýova. Kúni keshe ǵana elordamyzdyń aıtýly merekesin atap ótken Astanamen oqýshylardy tanystyrý jumysyna biz de kýá boldyq. HHI ǵasyrdyń ǵajaby sanalatyn bas qalamyzdaǵy sáýletti ǵımarattar men demalys oryndarynda bolǵan olımpıadashylar jańa Astananyń árbir kórinisi týraly súısine áńgimeleıdi. Ásirese, keshe “Qazanat” sport kesheninde ótken is-sharanyń qyzyǵy olardyń ómir boıy esinde qalary sózsiz. Qaz-qatar tigilgen aqshańqan kıiz úıler, ishi-syrtyn kómkergen ulttyq dúnıeler kimniń de bolsa kózin toıǵyzyp, jan dúnıesin nurlandyrǵany anyq. Ulttyq sport túrleri boıynsha ótkizilgen jarystar: kókpar tartyp, qyran baptaý, alýan túrli salt-dástúrlerimizdi áspetteý jaǵynan kelgende qazaqtyń eshkimnen de kem túspeıtini osy jerde aıqyn ańǵaryldy. Bul etnografııalyq qundylyqtarymyz kimniń de bolsa kóńilinen ómir boıy oryn alatyny da ras. Biz júzderi balbul janyp, árbir kóriniske qyzyǵa qarap, tamsanǵan oqýshylarmen tildes­ke­nimizde shetinen rızalyqtaryn bildirip jat­ty. Kanadalyq úılestirýshi Aleksandr Remerov maǵan Býrabaıdyń tabıǵaty, Esil ózeniniń eki jaǵyna salynǵan Astananyń ǵımarattary, tap-taza kósheleri qatty unady. Qazaq jurtynyń keńpeıildiligi, ózim sekildi zamandastarymnyń kishiligi men kisiligi tánti etti. Al myna ulttyq sport oıyndary men ulttyq jaýharlar, ulttyq ta­ǵamdar basqa elderde kezdese bermeıtin shyǵar. Men Máskeýde 7-shi synypqa deıin bilim alyp, odan keıin ata-anammen birge Kanadaǵa qonys aýdarǵan edim. Reseı men Kanadadaǵy orta bilim berý isin árdaıym salystyryp júremin. Sonda baıqaǵanym, Máskeý mektepte­rindegi oqytý isi áldeqaıda joǵary, ár pándi tereńinen taldaıdy. Jalpy, pán aýqymyn shektemeı, álemdik deńgeıde oı-óresiniń bıik bolýyna basa nazar aýdarady. Al joǵary bilim týraly mundaı pikir aıta almaımyn. Sebebi, Máskeý ýnıversıtteri týraly málimetim az. Men Qazaq eline kelgende baıqaǵanym, úlken-kishisiniń qaı-qaısysy da saýatty, ári salıqaly eken, deıdi ol. Bul pikirdi olardyń lıderi sanalatyn A.Teng te qoshtady. Eldigimizdi tanytyp, bilimdi urpaǵymyzdyń ósip kele jatqanyn dáıekteıtin bul matema­tıkalyq olımpıadaǵa bas demeýshilik kórset­ken mekeme týraly da aıta ketsek deımiz. Ol ár­kez áleýmettik baǵdarlamalarǵa qoldaý kór­setip kele jatqan, ásirese, bilim men ǵylymǵa, den­saý­lyq saqtaý isine jete mán berip, aldyńǵy ilek­ten tabylǵan “EksonMobıl Qazaqstan Ink.” kompanııasy der edik. Bul kompanııadan ózge qolushyn sozǵandar qatarynda Astana qa­la­sy men Aqmola oblysy ákimdigi, “Qa­zaqstan halqynyń rýhanı damý qory” AQ, Ál-Farabı atyn­daǵy Qazaq ulttyq ýnıversıteti, L.N.Gý­mı­lev atyndaǵy Eýrazııa ýnıversıteti, Ota­ny­myzdyń Ulttyq sport assosıasııasy, Sokolov-Sarybaı ken baıytý kombınaty, Táýelsizdik sa­raıy, Almatydaǵy “Alataý” shıpajaıy, Asta­nadaǵy “Dýman” qonaq úıi, taǵy basqalar bar. Súleımen MÁMET.