Foto: Ashyq derekkóz
Premer-mınıstrdiń aıtýynsha, mektepter, vokzaldar, dúkender men dárihanalar sııaqty áleýmettik mańyzy bar ınfraqurylym nysandaryn beıimdeý isi asa mańyzdy sanalady. Bul baǵytta ulttyq standart qabyldanǵanymen, ony sapaly iske asyrý jáne barlyq menshik nysanyndaǵy obektilerdi biryńǵaı talaptarǵa sáıkestendirý jumysyna baqylaýdy kúsheıtý qajet.
Ulttyq jobaǵa umtylǵan kásiporyndar
«Kedergisiz orta qalyptastyrý úshin ınfraqurylym nysandaryn beıimdeý isiniń mańyzy zor. Ulttyq standart bar, ony sapaly júzege asyrý úshin «ámbebap dızaın» jáne qoljetimdilik qaǵıdalaryn engizý qajet. Bul talaptar mindetti túrde oryndalýǵa tıis», dedi Oljas Bektenov.
Sonymen qatar Premer-mınıstr jergilikti deńgeıde vedomstvoaralyq úılestirýdiń jetkiliksiz ekenin atap ótti. Onyń aıtýynsha, birqatar óńirlerde nysandardy beıimdeý barysynda qaǵazbastylyq pen kózboıaýshylyq faktileri áli de kezdesedi.
«Vokzaldar men áýejaılarda, sondaı-aq kólik quraldarynda qoljetimdi orta tolyq qamtamasyz etilmegen. Poıyzdardy ınvakýpesi bar vagondarmen jabdyqtaý qarqyny da baıaý», dedi ol.
Temirjol salasyndaǵy ózgerister: Infraqurylym qalaı damyp jatyr?
Osyǵan baılanysty Úkimet birqatar naqty tapsyrmalar berdi. Atap aıtqanda, О́nerkásip jáne Kólik mınıstrlikterine 1 maýsymǵa deıin «ámbebap dızaın» qaǵıdalaryn vedomstvolyq buıryqpen bekitý tapsyryldy. Sondaı-aq kólik salasyndaǵy nysandardyń qoljetimdiligin keshendi túrde qaraý úshin vedomstvoaralyq jumys tobyn qurý josparlanyp otyr.
