Foto: Medısınalyq jáne farmasevtıkalyq baqylaý komıteti
Densaýlyq saqtaý mınıstrligine qarasty Medısınalyq jáne farmasevtıkalyq baqylaý komıtetiniń málimetinshe, tekserýge medısınalyq kómektiń sapasyna qatysty túsken shaǵym jáne 2026 jylǵy 20 sáýirde tergeý organdary shyǵarǵan qaýly negiz bolǵan. Baqylaý barysynda em sapasy, dári-dármekpen qamtamasyz etý jáne medısınalyq jabdyqtardyń jaı-kúıi tolyq zerdelenedi.
Atalǵan jaǵdaıdy jan-jaqty baǵalaý úshin táýelsiz sarapshylar men birqatar salalyq mamandardan arnaıy komıssııa qurylǵan. Onyń quramyna balalar reanımatologııasy, pýlmonologııa, juqpaly aýrýlar, klınıkalyq farmakologııa, balalar hırýrgııasy, allergologııa jáne sáýlelik dıagnostıka salalarynyń mamandary engizilgen. Sonymen qatar Astana qalasyndaǵy medısınalyq ýnıversıtet ókilderi de tartylǵan.
Derekterge sáıkes, bala 2026 jylǵy 25 naýryz ben 17 sáýir aralyǵynda stasıonarda em alǵan. Oǵan sepsıs dıagnozy qoıylyp, jaǵdaıy polıorgandyq jetkiliksizdik, aralas shok, aýyr respıratorlyq dıstress-sındrom jáne qosymsha ınfeksııalarmen asqynǵan.
Emdeý barysynda oblystyq jáne respýblıkalyq deńgeıdegi mamandardyń qatysýymen 12 ret konsılıým ótkizilgen, sondaı-aq qarqyndy antıbakterıaldy jáne reanımasııalyq em qoldanylǵan. Alaıda 17 sáýir kúni saǵat 13:01-de bala qaıtys boldy.
Sábı ólimi boıynsha álemdik reıtıng jarııalandy: Qazaqstannyń kórsetkishi qandaı?
Qazirgi ýaqytta sot-medısınalyq saraptama júrgizilip jatyr. Onyń qorytyndysy 2026 jylǵy 7 mamyrǵa deıin daıyn bolady. Tekserý nátıjeleri boıynsha tıisti akt jasalyp, materıaldar tergeý organdaryna joldanady.
Atalǵan komıtet marqum balanyń jaqyndaryna kóńil aıtyp, oqıǵanyń erekshe baqylaýda ekenin jáne tergeý tolyq ári jan-jaqty júrgiziletinin habarlady.
