Mınıstrdiń aıtýynsha, kelissózderdiń uzaqqa sozylýyna Ońtústik Koreıadaǵy saıası ózgerister sebep bolǵan. Qazirgi tańda Qazaqstan Ońtústik Koreıadaǵy sheteldikter úshin eńbek mıgrasııasyn retteıtin EPS júıesine qosylý boıynsha ekinshi kezeńdegi kelissózderdi júrgizip jatyr.
«Biz birinshi kezeńnen óttik. Alaıda Ońtústik Koreıada prezıdent aýysýyna baılanysty prosess shamamen alty aıǵa toqtap qaldy. Qazirgi ýaqytta kelissózder qaıta jandandy», dedi mınıstr.
EPS ortalyǵyn Almaty qalasynda ashý josparlanyp otyr. Taraptar nysandardy qarap, tańdaý júrgizgen. Qazirgi ýaqytta jergilikti ákimdikpen birlesip ortalyqty ashý jumystary atqarylyp jatyr. Eger barlyq kelisimder júzege assa, prosess premer-mınıstrler deńgeıinde jalǵasady.
Ońtústik Koreıa Qazaqstannan 18 mıllıon barrel munaı satyp alady
Mınıstrdiń aıtýynsha, Ońtústik Koreıa Qazaqstandy EPS júıesine qosý jóninde túpkilikti sheshimdi jyl sońyna deıin qabyldaýy múmkin.
Aıta keteıik, qazirgi ýaqytta shamamen 10 myńǵa jýyq Qazaqstan azamaty Ońtústik Koreıada zańsyz jaǵdaıda jumys istep júr.
