Bank • Búgin, 11:38

Endi boryshkerlerdiń bank shottary tolyq buǵattalmaıdy

40 ret

kórsetildi

1 mın

oqý úshin

Qazaqstanda qaryzy bar azamattardyń bank shottaryn tolyq buǵattaý tájirıbesi ózgeredi. Endi budan bylaı shotqa tolyq tyıym salynbaı, tek bereshek somasy sheginde ǵana shekteý qoıylady, dep habarlaıdy Egemen.kz.

Baıan SÚLEIMENQYZY

Endi boryshkerlerdiń bank shottary tolyq buǵattalmaıdy

Ádilet vıse-mınıstri Bekbolat Moldabekov jańa ózgeristerdi túsindirdi.

Onyń aıtýynsha, buǵan deıin azamattardyń belgili bir qaryzy, mysaly aıyppul bolǵan jaǵdaıda, bankter búkil shotty buǵattap kelgen. Endi bul tártip qaıta qaralyp, jeke sot oryndaýshysy tek qaryz somasyna ǵana shekteý qoıa alady.

«Azamattardyń búkil shoty budan bylaı buǵattalmaıdy. Biz bul júıeni banktermen birlesip jetildirip jatyrmyz, tıisti hattar joldandy. Jaqyn ýaqytta bul tetik iske qosylady», dedi vıse-mınıstr.

Bank shotyńyz buǵattalsa ne isteý kerek?

Aıta keteıik, bul norma 2023 jyldan beri talqylanyp kelgen. Sonymen qatar, buǵan deıin azamattardyń salyq boıynsha 86,5 myń teńgeden asatyn bereshegi bolsa, shottaryna shekteý qoıylatyny habarlanǵan edi.