Foto: Ashyq derekkóz
Aq úıde ótken kezdesýlerge Izraıl men Lıvan elshileri qatysyp, taraptar arasyndaǵy dıalogtyń ekinshi kezeńi ótkizilgen. Tramp kelissózderdiń nátıjesin «óte sátti» dep baǵalap, AQSh Lıvanǵa «Hezbolla» tobyna qarsy qorǵanys júıesin nyǵaıtýǵa kómektesetinin aıtty.
Sonymen qatar ol aldaǵy ýaqytta Izraıl premer-mınıstri Bınıamın Netanıahý jáne Lıvan prezıdenti Jozef Aýnmen kezdesý josparlanyp otyrǵanyn jáne bıyl eki el beıbit kelisimge kelý yqtımaldyǵy joǵary ekenin atap ótti.
Kelissózderge «Hezbolla» ókilderi qatyspaǵan. Top ókilderi atysty toqtatý rejımin qoldaıtynyn, biraq Izraıl tarapynan kelisim tolyq saqtalýy tıis ekenin málimdegen. Sondaı-aq olar tikeleı kelissózderge qarsy ustanymyn bildirdi.
Memleket basshysy Izraıl Prezıdentine quttyqtaý jedelhatyn joldady
Atysty toqtatý týraly ýaǵdalastyq ótken aptadaǵy Vashıngtondaǵy kelissózderden keıin jasalyp, qaqtyǵystar deńgeıin aıtarlyqtaı tómendetkenimen, Lıvannyń ońtústiginde shıelenis áli de jalǵasyp jatyr.
