Foto: Ashyq derekkóz
Mınıstrdiń aıtýynsha, nysandy kelesi jylǵa paıdalanýǵa berý josparlanǵan. Al bıyl Zaısanǵa qaraı synaqtyq tehnıkalyq reısterdi uıymdastyrý múmkindigi qarastyrylyp otyr. Negizgi áýe qatynastary da kelesi jyldan bastalýy múmkin.
Nurlan Saýranbaev sonymen qatar Kendirli men Zaısan baǵyttaryndaǵy bılet baǵasy men reısterdiń qoljetimdiligine qatysty másele áli de talqylanyp jatqanyn aıtty. Bul rette jergilikti ákimdikter tarapynan sýbsıdııalaý máselesi qarastyrylýda, ol áýe kompanııalarymen kelissózderge áser etýi múmkin.
Qazirgi ýaqytta Qazaqstannyń avıasııa salasynda tórt iri joba iske asyrylyp jatyr. Onyń ekeýi – Shyǵys Qazaqstanǵa tıesili bolsa, qalǵandary Kendirlidegi qurylys pen Qostanaı oblysyndaǵy Arqalyq áýejaıyn jańǵyrtýǵa baǵyttalǵan. Sonymen qatar kýrorttyq aımaqtarda úsh jańa áýejaı salýǵa shamamen 117 mlrd teńge bólinip otyr.
