Álem • Búgin, 12:18

Iran Ormuz buǵazynda eki kemeni tárkiledi

20 ret

kórsetildi

1 mın

oqý úshin

Taıaý Shyǵystaǵy jaǵdaı shegine jetti. Irannyń Islam revolıýsııasy saqshylar korpýsy strategııalyq mańyzy bar Ormuz buǵazynda eki birdeı alyp konteıner tasýshy kemeni qolǵa túsirdi. Tegeran bul kemelerdiń «basqynshy eldermen» baılanysy bar dep aıyptap otyr, dep habarlaıdy Egemen.kz.

Qyrmyzy JUMAǴALIQYZY

Iran Ormuz buǵazynda eki kemeni tárkiledi

Foto: Ashyq derekkóz

Iran tarapynyń málimetinshe, tárkilengen kemelerdiń biri – Epaminondas AQSh áskerı kúshterimen tyǵyz yntymaqtastyqta bolsa, ekinshisi – MSC-Francesca Izraılmen tikeleı baılanysty. Qazirgi ýaqytta eki keme de Irannyń aýmaqtyq sýlaryna jetkizilgen.

Iran Ormuz buǵazyn qaıta japty

Bul oqıǵa AQSh Áskerı-teńiz kúshteriniń Ormuz buǵazyndaǵy baqylaýdy kúsheıtýinen keıin boldy. Esterińizge sala keteıik, 13 sáýirden bastap Vashıngton buǵaz arqyly ótetin kemelerdiń qozǵalysyn qatań qadaǵalaýǵa alǵan bolatyn.

«Ýaqytty bosqa ótkizý»: Iran AQSh-pen kezdesýden bas tartty

Aq úı Iranmen baılanysy joq kemelerge erkin ótýge ruqsat berilgenin aıtqanymen, basty shart retinde «Tegeranǵa tólem jasamaýdy» qoıǵan. Al Iran bıligi resmı túrde jarııalamasa da, bul buǵaz arqyly ótetin kemelerden tólem alý jospary bar ekenin ańǵartqan edi.