Tańsáriden jınalǵan 700-ge jýyq áýesqoı velosıpedshi Qosshy baǵytyndaǵy aınalma joldan bastap, Úrker turǵyn alabyndaǵy «Jasyl beldeý» saıabaǵyna deıingi 21 shaqyrymdy baǵyndyrdy.
Qalalyq sporttyq-buqaralyq is-sharalardy ótkizý dıreksııasy basshysynyń orynbasary Erjigit О́serbaıdyń aıtýynsha, bıylǵy maýsymnyń ereksheligi – qatysýshylardy ortaq jaýapkershilikke úndeýinde.
«Bıylǵy jappaı velosherý «Taza Qazaqstan» respýblıkalyq aksııasy jáne «Zań men tártip» qaǵıdaty aıasynda ótti. Ár jastaǵy qatysýshylardyń basyn qosqan bul shara salaýatty ómir saltyn nasıhattaýmen qatar, qoǵamdaǵy tazalyq pen tártip sııaqty ortaq qundylyqtardy dáripteýge baǵyttalǵan. Shara aldynda qatysýshylarǵa jolda júrý jáne qaýipsizdik erejeleri jan-jaqty túsindirildi. Velosherýge kez kelgen adam qatysa alady. Balalar 12 jastan bastap ata-anasynyń ruqsatymen jáne olardyń baqylaýymen qatysýǵa múmkindik alady. Velomaýsym jyl boıy jalǵasyp, onyń resmı jabylýy qazan aıynda ótedi», dedi qalalyq sporttyq-buqaralyq is-sharalardy ótkizý dıreksııasy basshysynyń orynbasary Erjigit О́serbaı.
Velosherýge 70 jastan asqan qarııalardan bastap, 12 jastaǵy jetkinshekterge deıin qatysty. Tipti, elordalyq velomaýsymnyń ashylýyna Almatydan arnaıy kelgen qonaqtar da boldy. Astanalyq zeınetker Eleýsiz Pardabaı aqsaqal jastardy belsendi bolýǵa shaqyryp, mundaı sharalardyń sergektik syılaıtynyn atap ótti.
Shara sońynda sporttyq velosıpedter men shlemder oınatylyp, qatysýshylarǵa ystyq palaý men shaı berildi. Eń bastysy, qatysýshylar sózden iske kóship, «Taza Qazaqstan» aksııasy aıasynda is-shara ótken aýmaqty qoqystan tazartyp, naǵyz mádenıettiliktiń úlgisin kórsetti.
