Mańǵystaý oblysy boıynsha memlekettik eńbek ınspeksııasy departamentiniń málimetinshe, oqıǵa 23 sáýir kúni tańǵy saǵat 10:30 shamasynda №1 sehta bolǵan. Aldyn ala aqparatqa sáıkes, eki jumysshy negizgi GTPI-3 kondensatoryn qyshqylmen jýý jumystaryn júrgizgen. Tuz qyshqyly eritindisi arnaıy sorǵy arqyly shlangpen berilgen. Jumys aıaqtalyp, sorǵy sóndirilgennen keıin shlangty ajyratý kezinde qyshqyl eritindisi shashyrap, onyń tamshylary jumysshylardyń beti men kóz aımaǵyna tıgen.
Zardap shekkender medısınalyq kómek kórsetý úshin Mańǵystaý oblystyq aýrýhanasyna jetkizildi.
«Jazataıym oqıǵa týraly jumys berýshi belgilengen tártippen memlekettik eńbek ınspeksııasy departamentine habarlady. Qazirgi ýaqytta alynǵan jaraqattardyń aýyrlyq dárejesi boıynsha medısınalyq qorytyndyny kútip otyrmyz. Eger aýyr nemese toptyq jazataıym oqıǵa belgileri anyqtalsa, tergeý memlekettik eńbek ınspektorynyń qatysýymen arnaıy tekserý túrinde júrgiziledi», dedi Mańǵystaý oblysy memlekettik eńbek ınspeksııasy departamenti basshysynyń mindetin atqarýshy Baýyrjan Kemalov.
Qyzylordadaǵy balabaqshada búldirshin qaınaǵan sýǵa kúıip qaldy
