TJM málimetinshe, Almaty oblysynda «Kólsaı kólderi» ulttyq parkiniń aýmaǵynda mıkroavtobýs eńisten syrǵyp ketip, shamamen 150 metrge tómen qulap túsken.
Jaqyn mańda gıdrobeket salý jumystaryn júrgizip jatqan «Qazseldenqorǵaý» qyzmetkerleri oqıǵaǵa jedel aralasqan.
«Almaty oblysy TJD kúshterimen birlesip, kólik quraly qoljetimsiz aýmaqtan sátti shyǵaryldy. Zardap shekkender joq. Qutqarýshylar taýly jerlerde qozǵalý kezinde qaýipsizdik sharalaryn saqtaý qajettigin eske salady», delingen TJM habarlamasynda.
