Vokzaldyń jalpy aýdany shamamen 800 sharshy metrden 1300 sharshy metrge deıin ulǵaıtylady. Jolaýshylar aǵyny táýligine 1200 adamdy quraıdy.
Talǵat Aldybergenov obektidegi jumys qarqynyn jedeldetýdi, iske asyrý merzimderiniń saqtalýyn qamtamasyz etýdi jáne qajetti eńbek resýrstary men arnaıy tehnıkany qosymsha tartýdy tapsyrdy.
Premer-mınıstr temirjol vokzaldaryn jańǵyrtý qarqynyn synǵa aldy
Jalpy Abaı oblysynda 10 temirjol vokzaly, atap aıtqanda, Semeı jáne Aıagóz qalalarynda, sondaı-aq Aqtoǵaı, Degelen, Shar, Úshbıik, Jarma, Aýyl, Belaǵash jáne Jalańashkól stansııalarynda tolyq jańǵyrtylyp jatyr. Jumystardy oryndaý kezinde merdiger uıymdarǵa aımaqtyń tarıhı kelbeti men arhıtektýralyq ereksheligin saqtaý tapsyryldy.
Jumystar jaılylyq pen qaýipsizdikke basa nazar aýdara otyryp júrgizilip jatyr. Erekshe qajettiligi bar adamdar úshin jetildirilgen navıgasııasy bar zamanaýı kútý zaldary men kedergisiz orta qurylady.
