Tergeý málimetine sáıkes, qylmystyq shema mobıldi qosymsha arqyly jumys istegen poker oıynyna negizdelgen. Onda «Tehas holdem» túrindegi oıyn júrgizilip, «Vendetta» jáne «AMG600L» atty oıyn klýbtary qurylǵan. Bul klýbtar «Nomad» jelisine biriktirilgen.
Atalǵan júıe táýlik boıy jumys istep, Qazaqstannan ǵana emes, О́zbekstan men Qyrǵyzstannan da oıynshylardy tartqan. Qatysýshylar messendjerler arqyly jarnamalyq habarlamalar alyp, bonýs júıesi arqyly oıynǵa qyzyqtyrylǵan.
Aqtóbede lısenzııasy joq lombard 93 mıllıon teńge tabys tapqan
Oıynshylar óz shottaryn bank aýdarymdary arqyly toltyryp, keıin sol qarajat «fıshkalarǵa» aınaldyrylǵan. Utys bolǵan jaǵdaıda aqsha qaıtadan bank kartalaryna shyǵarylyp otyrǵan.
Tergeý derekterine sáıkes, uıymdastyrýshylardyń tabysy ár oıyn ústelinen alynatyn 3-5 paıyz komıssııa arqyly qalyptasqan. Sonymen qatar oıynshylardy ustap qalý úshin vırtýaldy qaryz berý júıesi qoldanylǵan.
Qarjylyq aǵyndardy jasyrý maqsatynda «dropperlerdiń» bank shottary paıdalanylǵan, olardyń qatarynda shetel azamattary da bolǵan. Bir shot úshin 100-200 myń teńge aralyǵynda syıaqy tólengen. Jalpy aınalym 557 mıllıon teńgeden asqan.
Qazirgi ýaqytta kúdiktige qatysty tergeý amaldary júrgizilip jatyr.
