Jańa bastamanyń basty maqsaty – shaǵyn qalalar, aýdan ortalyqtary men aýyldardaǵy kásipkerlerge memlekettik baǵdarlamalar týraly túsindirý jumystaryn júrgizý, sondaı-aq sol jerde ótinim qabyldaý arqyly qoldaý alý úderisin jeńildetý.
Joba aıasynda qor mamandary jergilikti jerlerge shyǵyp, kásipkerlermen tikeleı kezdesedi. Bul jumysqa ákimdikter, «Atameken» ulttyq kásipkerler palatasy jáne ekinshi deńgeıli bankterdiń ókilderi de tartylady. Mobıldi toptar ásirese monoqalalar, aýdan ortalyqtary men aýyldyq eldi mekenderdi qamtıdy.
Joba óńirlerde júzege asyrylyp jatqan «Isker aımaq» baǵdarlamasymen de sabaqtas. Onyń maqsaty – jergilikti shıkizatty óńdeý arqyly óńirlik áleýetti naqty óndiristik jobalarǵa aınaldyrý jáne aýyl kásipkerleriniń belsendiligin arttyrý.
Mobıldi front-ofıster aıasynda kásipkerler tek «Damý qory» qyzmetimen ǵana shektelmeıdi. «Báıterek» holdınginiń biryńǵaı front-ofısi arqyly «Qazaqstannyń Damý Banki», «О́nerkásipti damytý qory», «Eksporttyq-kredıttik agenttik» jáne «Qazaqstan Investment Corporation» usynatyn qoldaý quraldary týraly da keńes alýǵa bolady.
Olardyń qatarynda nesıe mólsherlemesin sýbsıdııalaý, kepildik berý, jeńildetilgen nesıeleý, lızıngtik qarjylandyrý, mıkroqarjylandyrý, eksporttyq jobalardy qoldaý, óńdeý salasyn damytý, sondaı-aq oqytý men keńes berý sekildi qarjylaı jáne qarjylaı emes qoldaý tetikteri bar.
Mobıldi front-ofıster «Qazaqstan» boıynsha 17 óńirde jumys isteıdi. Alaıda «Astana», «Almaty» jáne «Shymkent» bul tizimge kirmeıdi. Saparlar arnaıy bekitilgen keste boıynsha apta saıyn uıymdastyrylady, al kásipkerlik belsendilik joǵary aımaqtarda olardyń jıiligi artýy múmkin.
Jobanyń negizgi nátıjesi – aýyl men qala arasyndaǵy geografııalyq alshaqtyqty azaıtyp, memlekettik qoldaý quraldaryn barsha kásipkerge teń dárejede usyný. Osylaısha aýyldaǵy bıznes ókilderi de iri qalalardaǵy kásipkerlermen birdeı múmkindikterge ıe bolady. Bul el aýmaǵynda kásipkerliktiń teńgerimdi damýyna jol ashady.
