Oqıǵa Semeıdegi jańa turǵyn úı kesheniniń birinde bolǵan. Stýdent qosymsha tabys tabý úshin jumys istep júrgen. Sol sátte ol beton aralastyrǵyshty tazalaýǵa tyrysqan kezde, qurylǵy onyń qolyn tartyp áketken.
Eńbek ınspeksııasy júrgizgen tekserý nátıjesinde jumys berýshi tarapynan birqatar óreskel zańbuzýshylyqtar anyqtalǵan. Atap aıtqanda, qyzmetkermen eńbek sharty jasalmaǵan, eńbek qaýipsizdigi boıynsha nusqaýlyq ótkizilmegen, oqytý júrgizilmegen jáne jazataıym oqıǵalardan saqtandyrý sharty da rásimdelmegen.
Temirtaýda qurylys alańynda 3 balany toq soqty: Qylmystyq is qozǵaldy
Abaı oblysy boıynsha eńbek ınspeksııasy departamentiniń bas mamany Temirlan Ámirtaevtyń aıtýynsha, jumys berýshige ákimshilik jaýapkershilik júktelgen.
«Jumys berýshi eńbek shartyn jasamaǵany, eńbekti qorǵaý boıynsha nusqaýlyq pen oqytý júrgizbegeni jáne jazataıym oqıǵalardan saqtandyrý shartynyń bolmaǵany úshin jaýapqa tartyldy», dedi ol.
Stepnogorskte aýrýhana qurylysyna baqylaý jasamaǵan 2 sheneýnik jaýapqa tartyldy
Jeke kásipkerge jalpy somasy 692 myń teńge (160 AEK) kóleminde alty ákimshilik aıyppul salyndy. Zardap shekken azamatqa keltirilgen shyǵyndy óteý úshin sotqa júginý usynyldy.
Aıta keteıik, buǵan deıin de uqsas jaǵdaı tirkelgen edi. Kassasııalyq sot «Qazaqmys» kompanııasynyń qyzmetkeri boıynsha isti qarap, tómengi sottardyń sheshimin ózgertip, jumys berýshiniń 100% kinásin anyqtap, ótemaqy tóleýdi mindettegen bolatyn.
Nurbolat AMANBEK
