Ardagerlerge qamqorlyq jasaý – Qazaqstandaǵy memlekettik saıasattyń negizgi basym baǵyttarynyń biri. Bul jumys ortalyq jáne jergilikti deńgeıde keshendi túrde júzege asyrylyp keledi. Uly Otan soǵysyndaǵy Jeńistiń 81 jyldyǵy qarsańynda jergilikti atqarýshy organdar (ákimdikter) jergilikti bıýdjetter esebinen UOS ardagerleri men tyl eńbekkerlerine birjolǵy materıaldyq kómek kórsetti.
Mereke aıasynda Qazaqstanda turatyn UOS ardagerleriniń árqaısysyna 5 mln teńgeden (10 myń dollardan astam) tólendi.
Jalpy alǵanda, ákimdikter tarapynan berilgen merekelik tólemder 32,9 myń adamdy qamtydy. Olardyń qatarynda UOS ardagerleri, sondaı-aq Jeńiske úles qosqan ózge de azamattar bar (tyl eńbekkerleri, qaza tapqan jaýyngerlerdiń jesirleri, jaraqat, kontýzııa nemese mertigý saldarynan qaıtys bolǵan múgedektigi bar adamdardyń jubaılary jáne t.b.).
Uly Otan soǵysynyń ardageri Kenjebaı Mádenovke «Halyq qaharmany» ataǵy berildi
Sonymen qatar respýblıkalyq bıýdjet esebinen zeınetaqy jáne ózge de áleýmettik tólemder kólemi jyl saıyn artyp keledi. 2026 jylǵy 1 mamyrdaǵy jaǵdaı boıynsha UOS qatysýshylarynyń aı saıynǵy jıyntyq tólemi (zeınetaqyny eskergende) orta eseppen shamamen 290 myń teńgeni quraıdy. Al UOS kezeńinde múgedektik alǵan azamattar úshin bul kórsetkish 300 myń teńgeden astam somany quraıdy.
Qarjylaı kómekten bólek, ardagerlerdi qoldaýdyń biryńǵaı júıesi qalyptasqan. Atap aıtqanda, olarǵa tegin shıpajaılyq-kýrorttyq emdeý, mamandandyrylǵan gospıtaldarda bilikti medısınalyq kómek, turǵyn úımen qamtamasyz etý jáne ózge de qoldaý sharalary usynylady.
Qaraǵandy oblysynda soǵys ardagerlerine 5 mln teńgeden tólendi
Sonymen qatar jergilikti deńgeıde ákimdikter tarapynan qosymsha kómek kórsetiledi: turǵyn úılerdi jóndeý, dári-dármekpen, otynmen, azyq-túlik jıyntyqtarymen qamtamasyz etý jáne basqa da qoldaý túrleri qarastyrylǵan.
