Foto: Ashyq derekkóz
Sol kezde jasóspirim pyshaq jaraqatyn alyp, aýrýhanaǵa jetkizilgenimen, dárigerler onyń ómirin saqtap qala almady. Ol esin jımastan qaıtys bolǵan.
Oqıǵadan keıin tóbeleske qatysqan azamattardyń barlyǵy anyqtalyp, tekserilgenimen, naqty dálelder men kýágerlerdiń jetispeýi istiń uzaq ýaqyt boıy ashylmaı qalýyna sebep bolǵan.
Bıyl tergeý-jedel tobynyń jumysy nátıjesinde basty kýáger anyqtalyp, oqıǵanyń tolyq mán-jaıy qalpyna keltirildi. Jedel izdestirý sharalary barysynda kúdikti anyqtalǵan. Ol sol kezdegi tóbeleske qatysqan azamat bolyp shyqqan jáne qazir basqa qylmysy úshin jazasyn ótep jatyr.
Qajetti tergeý áreketteri úshin kúdikti Qyzylorda qalasyndaǵy tergeý ızolıatoryna jetkizildi. Jınalǵan dálelderden keıin ol óz kinásin moıyndady.
Tergeý barysynda qylmystyń negizgi sebebi retinde jastar arasyndaǵy ózara janjal men arazdyq kórsetilgen. Qazirgi ýaqytta is sotqa joldanǵan.
Ishki ister mınıstrligi ótken jyldardaǵy ashylmaǵan qylmystardy anyqtaý jumystary jalǵasatynyn jáne kez kelgen qylmys erte me, kesh pe zań aldynda jaýapsyz qalmaıtynyn málimdedi.
Aıta keteıik, Almatydaǵy jappaı tóbeles kezinde bolǵan eki jasóspirimniń óliminen keıin qylmystyq is qozǵaldy.
Atyraý oblysyndaǵy otbasynyń ólimine qatysy bar degen kúdikke ilingen Aqbaıan Muqanǵalıevaǵa qatysty qylmystyq qýdalaý toqtatyldy.
