Qyrǵyzstanda kondısıonerdi az qoldaný úshin qyzmetkerlerdiń kıim úlgisi ózgertildi

30 ret

kórsetildi

1 mın

oqý úshin

Qyrǵyz Respýblıkasy Mınıstrler kabınetiniń tóraǵasy Ádilbek Qasymalıev memlekettik qyzmetkerlerge arnalǵan jańa jumys kıim erejesin engizý týraly ókimge qol qoıdy. Jańa talapqa sáıkes, memlekettik organdar qyzmetkerleri kostıým kııýden bas tartyp, tek jeıdemen jumys isteýi tıis. Onyń sózinshe, bul sheshim elektr energııasyn únemdeý úshin qabyldanǵan, dep habarlaıdy Egemen.kz.

Nurbolat AMANBEK

Qyrǵyzstanda kondısıonerdi az qoldaný úshin qyzmetkerlerdiń kıim úlgisi ózgertildi

Úkimet basshysynyń aıtýynsha, sheshim 14 mamyrdan bastap kúshine enedi.

Ol bul bastama Japonııa tájirıbesine negizdelgenin atap ótti. Onda memlekettik mekemelerde energııa únemdeý maqsatynda galstýksyz jáne jeńil kıim formaty engizilgen.

Qamshybek Tashıevke Qyrǵyzstanda memlekettik tóńkeris jasaýǵa árekettendi degen aıyp taǵyldy

Úkimet basshysy kostıýmnen bas tartý kondısıonerdi az qoldanýǵa múmkindik berip, elektr energııasyn únemdeýge yqpal etetinin aıtty.

«Qazir biz kostıýmmen jumys istep, kondısıoner qosamyz. Eger tek jeıde kısek, kondısıonerdi qosýdyń da qajeti bolmaıdy. Elektr energııasyn únemdeýimiz kerek», dedi Ádilbek Qasymalıev.

Eske salaıyq, buǵan deıin Qyrǵyzstanda atom elektr stansııasyn salý máselesin referendýmǵa shyǵarý múmkindigin qarastyryp jatqandyǵyn jazǵan bolatynbyz.