Avtobýspen 1,5 saǵat: LRT arqyly áýejaıdan vokzalǵa deıin qansha ýaqytta jetýge bolady?

40 ret

kórsetildi

1 mın

oqý úshin

Astanadaǵy eń kóp talqylanǵan ári kópten kútken jeńil relsti kóliktiń (LRT) qozǵalys shemasy qalanyń elektrondy kartalaryna engizildi. Endi elorda turǵyndary men qonaqtary bolashaq kólik baǵytyn smartfon arqyly 3D formatta kóre alady, dep habarlaıdy Egemen.kz.

Jomart RAHYMJAN

Avtobýspen 1,5 saǵat: LRT arqyly áýejaıdan vokzalǵa deıin qansha ýaqytta jetýge bolady?

Foto: istockphoto.com

Jańa baǵyt Astana halyqaralyq áýejaıyn «Nurly jol» temirjol vokzalymen baılanystyrady. Jeliniń jalpy uzyndyǵy 22 shaqyrymnan asady jáne onyń boıynda 18 stansııa ornalasady. Qazirdiń ózinde kartadan qoǵamdyq kólik baǵyttaryn izdegen kezde, júıe osy stansııalardy eskere otyryp jol kórsetýdi bastaǵan.

Aldyn ala esepteýler boıynsha áýejaıdan LRT stansasyna deıingi jol shamamen 40 mınýtty alady. Salystyrmaly túrde aıtsaq, dál qazir qalalyq avtobýstarmen qarbalas ýaqytta bul qashyqtyqty júrip ótý úshin 1,5 saǵattan astam ýaqyt ketedi. Demek, jańa kólik jolaýshylardyń ýaqytyn eki eseden astam ýaqytqa qysqartýǵa múmkindik beredi.

Eske sala keteıik, buǵan deıin CTS kompanııasy BAQ ókilderine elordanyń bas kólik ınfraqurylymy nysanynyń ishki jumysyn alǵash ret egjeı-tegjeıli kórsetken bolatyn.

Buǵan deıin Astanadaǵy LRT qurylysyna qansha qarjy jumsalǵanyn jazǵan edik.

Eske sala keteıik, LRT júıesi aldaǵy demalys kúnderi, 16-17 mamyrda iske qosylady.