Foto: Ashyq derekkóz
Qazaqstan fýtzal chempıonatynyń 2025-2026 jylǵy maýsymynyń aıaqtalýyna eki týr qalsa da, kóshbasshy merziminen buryn anyqtaldy. Týrnır kestesinde birinshi orynda turǵan «Semeı» 42 matchtan keıin 113 upaı jınaǵan. Al ekinshi orynda kele jatqan almatylyq «Qaırat» dál osyndaı oıyn sanynan keıin 100 upaı enshiledi.
Qazirgi tańda «Qaırat» – Qazaqstannyń 21 dúrkin chempıony ári el chempıony ataǵynyń ıegeri. Komanda bul ataqty qorǵap qalýdy kózdep otyr.
Osyǵan baılanysty 14 mamyr kúni «Qaırat» brazılııalyq bapker Danıelıa Jýnıormen kelisimsharttyń «otbasylyq jaǵdaılarǵa jáne taraptardyń ózara kelisimine baılanysty» toqtatylǵanyn málimdedi.
Danıel Jýnıor komandaǵa 2025-2026 jylǵy maýsymnyń basynda qosylyp, «Qaıratpen» birge Qazaqstan Sýperkýbogyn jeńip aldy. Sondaı-aq klýbty Chempıondar lıgasynyń shırek fınalyna deıin jetkizdi.
Aıta keteıik, «Qaırat» fýtzaldan ÝEFA Chempıondar lıgasyn eki ret jeńip alǵan: 2013 jáne 2015 jyldary.
Eske sala keteıik, buǵan deıin «Qaırat» fýtbol klýbynyń burynǵy oıynshysy Stas Pokatılov Ázirbaıjan kýbogynyń ıegeri atanǵanyn jazǵan edik.
