Oıyn Trıpolıden ońtústik-shyǵysqa qaraı 65 km jerde ornalasqan Tarhýna qalasyndaǵy stadıonda ótti. 87-mınýtta «Ál-Ittıhad» fýtbolshylary tóreshi «Sýehlı» qaqpasyna penaltı belgilemegennen keıin narazylyq bildire bastady. Osydan keıin oıyn toqtatyldy.
Stadıonda bolǵan «Ál-Ittıhad» jankúıerleri alańǵa júgirip shyqty. Tártipsizdikter bastaldy: múlikter qıratylyp, kúzetshiler jaraqat aldy.
Trıpolıde «Ál-Ittıhad» klýbynyń bazasynda matchty tamashalaǵan jankúıerler Úkimet ǵımaratyna baryp, sol jerde otshashýlarmen narazylyq aksııasyn uıymdastyrǵan. Nátıjesinde ǵımarattyń aldyndaǵy qasbet pen ákimshilik nysannyń aýmaǵy órtendi.
«Aspanǵa qoıý tútin kóterilip, aýdandaǵy kólikter qaýipten seskenip, tezirek ketýge asyqty. Jankúıerlerdiń qatty ashýlandy», dedi kýágerlerdiń biri.
Libya al-Ahrar TV jelisindegi jáne efırdegi beınede ǵımarattyń áınek qasbeti janyp turǵanyn jáne onyń ústinde qara tútin kóterilgenin kórýge bolady. Tún ortasyna qaraı jaǵdaı baqylaýǵa alynyp, órt sóndirýshiler qyzyl jalyndy aýyzdyqtady.
«Ál-Ittıhad» klýby matchtaǵy barlyq tóreshilik sheshimderdi tolyǵymen qaıta qaraýdy talap etti. «Sýehlı» qysqa málimdemesinde komanda Mısrataǵa jeńispen oralatynyn jazdy.
Esterińizge salaıyq, Lıvııanyń ulttyq birlik úkimetin Premer-mınıstr Abdýlhamıd Dbeıba basqarady. Ol bılikke 2021 jyly BUU deldaldyǵymen kelgen edi. Lıvııa 2011 jyly elde Mýammar Kaddafı bıligi qulatylǵannan beri saıası turaqsyzdyq qyspaǵynan shyǵa almaı keledi
