foto: azh.kz
Jergilikti «Aq jaıyq» basylymynyń jazýynsha sońǵy kúnderi qalada basqa óńirlerden kelgen qosymsha polısııa jasaqtary kóbeıgen. Buǵan deıin polıseıler júrgizýshilerdiń qujattaryn, saqtandyrý polısterin, dári qobdıshasyn, órt sóndirgishin jáne sheteldik tirkeýdegi kólikterdi teksergen.
Júrgizýshilerdiń biri Ádilbek Tabyldyev grýzın nómirli kólikti birneshe jyl buryn satyp alǵanyn aıtty. Onyń sózinshe, buǵan deıin esh qıyndyq bolmaǵan, al qazir saqtandyrýdy shuǵyl rásimdeý talap etilip jatyr.
«30 mınýttyq qýat»: BYD kólikteriniń ıeleri nege dabyl qaqty?
Beıresmı málimet boıynsha, Atyraýda sheteldik nómirli bes myńnan astam kólik bar. Kólikterdiń kóbi Grýzııa men Armenııada tirkelgen.
Jınalǵandardyń aıtýynsha, oqıǵa ornyna polısııa, ákimdik, prokýratýra jáne UQK qyzmetkerleri kelgen. Alaıda júrgizýshiler naqty túsindirý jumystary júrgizilmegenin aıtty.
Al polısııa departamenti óńirde kúsheıtilgen profılaktıkalyq sharalar ótip jatqanyn habarlady. Vedomstvo málimetinshe, reıdterdiń maqsaty – qoǵamdyq tártipti saqtaý, jol qaýipsizdigin qamtamasyz etý jáne quqyqbuzýshylyqtardyń aldyn alý.
Eske sala keteıik, endi kólik nómirin muraǵa qaldyrýǵa ruqsat etiledi.
