Foto: Ashyq derekkóz
Kezdesýdiń 34-mınýtynda Sadıo Mane esep ashsa, 52-mınýtta Kıngslı Koman basymdylyqty arttyrdy. 58 mınýtta qaqpashy Morlae Sýlla penaltıden bir gol qaıtardy. Al matchtyń basty qaharmany Krıshtıaný Ronaldý dýbl avtory atanyp, jeńiske jetelegen joldy odan ári qysqarta tústi.
Osy nátıjeden keıin «Al-Nasr» maýsymdy 86 upaımen aıaqtap, Saýd Arabııasy lıgasynyń chempıony atandy. Ekinshi satyǵa 84 upaımen «Al-Hılıal» jaıǵassa, 81 upaı enshilegen «Al-Ahlı» qola júldege ıe boldy.
«Al-Nasr» klýby sońǵy chempıondyq ataǵynan keıin birneshe maýsym boıy turaqsyz nátıje kórsetip keldi. Komanda eki ret Saýd Arabııasy Pro-lıgasynda kúmis júldeger atansa, taǵy eki maýsymda úshinshi orynmen shekteldi. Sondaı-aq bir ret týrnırdi altynshy satyda aıaqtaǵan bolatyn.
Aıta keteıik, 41 jastaǵy Ronaldýdyń saýdııalyq klýb sapyndaǵy alǵashqy resmı chempıondyq ataǵy. Ol komandaǵa 2022 jyldyń jeltoqsanynda aýysqan edi.
Portýgaldyq shabýylshy men argentınalyq Lıonel Messı bıyl altynshy ret Álem chempıonatyna barady. Eske salsaq, buǵan deıin Bavarııa klýbynyń qaqpashy Manýel Noıerdiń de besinshi márte álem birinshiligine attanatynyn jazǵan edik. Fýtbol ańyzyna aınalyp úlgergen oıynshylar úshin bıylǵy ala dop alamany eń sońǵy álem chempıonaty bolýy múmkin.
