Foto: @batyr_fighting
Oqıǵa áleýmettik jelide taraǵan beınejazbadan keıin belgili boldy. Vıdeoda Toyota Camry kóliginiń jolaýshylary qozǵalys kezinde qaýipsizdik beldigin taqpaı, qaýipti áreket jasaǵan.
Atyraý oblystyq polısııa departamentiniń málimetinshe, tekserý nátıjesinde eki jolaýshy ákimshilik jaýapkershilikke tartylǵan. Sondaı-aq Ford Mustang kóligin basqarǵan 38 jastaǵy júrgizýshi, ıaǵnı Kýat Hamıtov, qaýipsizdik beldigin taqpaǵany úshin ákimshilik jaýapqa tartylǵan.
«Atalǵan quqyqbuzýshylyqtar úshin olar ákimshilik jaýapkershilikke tartyldy. Sonymen qatar kórsetilgen zań buzýshylyqtarǵa jol bergen 20 jastaǵy kólik júrgizýshisi de ákimshilik jaýapqa tartyldy. Budan bólek, Ford Mustang avtokóligin basqarǵan 38 jastaǵy júrgizýshi qaýipsizdik beldigin taqpaı kólik basqarǵany úshin ákimshilik jaýapkershilikke tartyldy», delingen Atyraý oblysy polısııa departamentiniń habarlamasynda.
Jyldamdyqty saǵatyna 2 shaqyrymǵa asyrǵany úshin aıyppul salyna ma?
Vıdeo alǵashynda Batyr Fighting Championship týrnırin uıymdastyrýshylardyń Instagram paraqshasynda jarııalanyp, keıin óshirilgen. Kadrlarda Mahambet О́temisuly atyndaǵy oblystyq drama teatrynyń aktrısasy Lashyn Núrkenqyzy qozǵalysta kele jatqan jeńil kóliktiń terezesinen denesin shyǵaryp, Kýat Hamıtovty qarsy alyp turǵany kórinedi.
Jekpe-jek sheberi jazanyń ádil taǵaıyndalǵanyn aıtyp, beınejazbanyń jarnamalyq maqsatta túsirilgenin jetkizdi.
Eske sala keteıik, buǵan deıin Qýat Hamıtov reseılik Aleksandr Shlemenkomen jekpe-jek ótkizip, jeńilis tapqan edi.
