Bul norma zańdy tulǵalardyń birinshi basshylaryna, olardy almastyratyn tulǵalarǵa, jeke kásipkerlerge jáne jeke praktıkamen aınalysatyn azamattarǵa qatysty qoldanylady.
Salyq keńesshisi Aıdar Masatbaev túsindirgendeı, shekteý birden engizilmeıdi. Ol úshin birneshe talap qatar oryndalýy qajet.
Atap aıtqanda, bereshek kólemi 27 myń AEK-ten asýy, qaryz úsh aıdan astam ýaqyt ótelmeýi jáne oǵan deıin shottardy buǵattaý, múlikke shekteý qoıý, debıtorlar arqyly óndirip alý sekildi standartty sharalar qoldanylýy tıis.
Depýtat salyq rejımi boıynsha el aýmaǵynda biryńǵaı mólsherleme engizýdi usyndy
Osydan keıin ǵana salyq organy elden shyǵýǵa shekteý qoıý týraly qaýly shyǵara alady. Biraq ol avtomatty túrde kúshine enbeıdi – mindetti túrde sot sanksııasynan ótýi kerek.
Mamannyń aıtýynsha, sot mundaı materıaldardy úsh jumys kúni ishinde qarap, shekteýdi maquldaýy nemese odan bas tartýy múmkin.
Sarapshy jańa ózgeristiń basty ereksheligi – salyqtyq qysymnyń endi tek kompanııaǵa emes, naqty basshyǵa da áser etetininde ekenin atap ótti.
Buǵan deıin salyqtyq ákimshilendirý negizinen kompanııa aktıvterine yqpal etý arqyly júrgizilse, endi basshynyń jeke quqyqtaryna da áser etý tetigi engizilip otyr. Bul ásirese sheteldik issaparlar men halyqaralyq kelisimderge táýeldi top-menedjerler úshin mańyzdy másele bolýy múmkin.
Salyq kodeksindegi ózgeris: Konstıtýsııalyq Sotqa júginý kezinde tólenetin baj salyǵy joıylýy múmkin
Sonymen qatar sarapshy aqparattyq júıelerdegi qatelikter táýekel týǵyzatynyn aıtty. Onyń sózinshe, salyq organdarynyń júıesinde keıde qaryzdyń qate kórsetilýi nemese tólemderdiń eki ret eseptelýi sekildi jaǵdaılar kezdesedi.
Zań boıynsha qaryz ótelgennen keıin nemese qate anyqtalǵan jaǵdaıda shekteý bir jumys kúni ishinde alynýy kerek. Alaıda málimetterdiń memlekettik organdar arasynda berilýi belgili bir ýaqyt alýy múmkin.
Aıdar Masatbaev kompanııalarǵa shildege deıin salyq organdarymen esep aıyrysýdy turaqty tekserip, qaryzdyń jınalýyna jol bermeýge jáne aqparattyq júıelerdegi derekterdiń durystyǵyn baqylaýǵa keńes berdi.
