Foto: Ashyq derekkóz
Almaty qalasy polısııa departamentiniń málimetinshe, qazirgi ýaqytta oqıǵanyń mán-jaıyn Bostandyq aýdandyq polısııa basqarmasyna qarasty bólim anyqtap jatyr.
«Oqıǵanyń barlyq mán-jaıy anyqtalady. Tekserý nátıjesi boıynsha Qazaqstan Respýblıkasynyń qoldanystaǵy zańnamasyna sáıkes prosessýaldyq sheshim qabyldanady», dep habarlady polısııa departamenti.
Marqumnyń týystarynyń aıtýynsha, 29 jastaǵy er adam kınoteatrǵa burynǵy synyptasymen birge kelgen. Seans aldynda ol popkorn satyp alyp, keıin ózin jaısyz sezine bastaǵan. Alǵashynda onyń júregi aınyp, keıin qaıta zalǵa oralǵan. Biraz ýaqyttan soń tamaǵy qyshyp, júregi aýyrǵanyn aıtyp, esinen tanyp qalǵan.
Belgili kásipker ári bloger Sáýle Bazarhan plastıkalyq hırýrgııa klınıkasynda kóz jumdy
Kýágerlerdiń sózinshe, kınoteatr qyzmetkerleri men kelýshiler jedel járdem kelgenge deıin alǵashqy kómek kórsetýge tyrysqan. Alaıda keıbiri saýda ortalyǵynda medısına qyzmetkerleri bolmaǵanyn aıtqan. Jedel járdem shamamen 15-20 mınýtta jetkenimen, er adamdy aman alyp qalý múmkin bolmaǵan.
Eske sala keteıik, buǵan deıin Rýdnyıda jedel járdem kóligi jaıaý júrginshini qaǵyp ketken edi.
