Foto: Vıdeodan alynǵan kadr
Beınejazbada belgili bolǵandaı, Qaıyq arnasynyń jaǵasynda qyz bala polısııa qyzmetkerine sýǵa áldekimniń batyp jatqanyn aıtyp, qutqarýyn ótingen. Osylaısha, olar quqyq qorǵaý organdary qyzmetkeriniń daıyndyǵyn teksermek bolǵan.
Polısııa qyzmetkeri sýǵa kıimimen sekirip, «batyp jatqan» adamdy qutqaryp, jaǵaǵa súırep shyǵarǵan. Jıekke shyqqan soń, óziniń aldanǵanyn bilgen.
Nartaı Aralbaıuly: Prank jasaımyn dep qoǵamdyq tártipti buzatyndar kóbeıip ketti
Tártip saqshysy arnaıy kúzet qyzmetinde jumys isteıdi. Quzyrly mekeme onyń aty-jónin jarııalamady.
Polısııa mundaı áreketke jol berilmeıtinin, qoǵamdyq tártipti buzýǵa jatatynyn eskertti.
«Avtor jáne kóriniske qatysýshy usaq buzaqylyq jasaǵany úshin ákimshilik jaýapqa tartyldy. Sot sheshimimen olar 15 jáne 10 táýlikke qamaldy», dep habarlady qala polısııasy.
Astana polısııasy azamattardy qoǵam tártibin, sý qoımalarynda qaýipsizdik erejelerin saqtaýǵa keńes berdi.
