Foto: Bild
«Polshanyń qazirgi prezıdenti Karol Navroskıı sátti saılanǵanyna jáne meniń ony maqtanyshpen qoldaǵanyma, sondaı-aq bizdiń qarym-qatynasymyzǵa baılanysty, Amerıka Qurama Shtattary Polshaǵa qosymsha 5000 sarbaz jiberetinin qýana habarlaımyn», dep jazdy Tramp áleýmettik jelide.
Alaıda Tramptyń mundaı sheshimdi nege dál qazir jarııalaǵany túsiniksiz kúıinde qalyp otyr. Sebebi Polsha prezıdenti Karol Navroskıı bul qyzmetti 2025 jyldyń tamyz aıynan beri atqaryp keledi.
Buǵan deıin Varshava men Vashıngton arasyndaǵy ahýal múlde basqasha bolǵan edi. AQSh Polshaǵa aldyn ala josparlanǵan 4000 amerıkalyq áskerı qyzmetkerdi jiberýdi kútpegen jerden toqtatyp, bul qadam Polsha úkimetiniń narazylyǵy men alańdaýshylyǵyn týdyrǵan.
Varshavamen shuǵyl telefon arqyly sóılesý barysynda AQSh qorǵanys mınıstri Pıt Hegset AQSh-tyń Polsha qaýipsizdigi jónindegi mindettemeleri ózgermeıtinin málimdedi.
Aıta keteıik, AQSh-tyń Ádilet mınıstrligi Kýbanyń burynǵy kóshbasshysy Raýl Kastroǵa syrttaı aıyp taǵylǵanyn habarlady. 94 jastaǵy Raýl Kastro jáne taǵy bes adam amerıkalyq azamattardy óltirý, kisi óltirýge sóz baılasý jáne beıbit ushaqtardy joıý boıynsha aıyptalyp otyr.
