C5+1 format: Mádenı yqpaldastyqty ilgeriletý bastamasy

О́tken jyldyń qarasha aıyn­­­da Vashıngtonda Qazaqstan Respýblıkasynyń Prezıdenti Qasym-Jomart Toqaevtyń qaty­sýymen «Ortalyq Azııa – AQSh» sammıti ótken bolatyn. Sammıt qorytyndysynda qatysýshy memleketter arasyndaǵy ózara is-qımyldyń jańa baǵyttary aı­qyn­dalyp, mádenı-gýmanıtarlyq yntymaqtastyqty tereńdetýge erekshe mán berildi.

Osy ýaǵdalastyqtardy iske asyrý maqsatynda Tashkent qalasynda Ortalyq Azııa elderi men AQSh mádenıet mınıstrleriniń C5+1 formatyndaǵy kezdesýi ótti. Qazaqstan tarapynan jıynǵa Premer-mınıstrdiń orynbasary – Mádenıet jáne aqparat mınıstri Aıda Balaeva qatysty. Is-sharaǵa sondaı-aq AQSh Memleket­tik hatshysynyń qoǵamdyq dıplomatııa jáne qoǵamdyq baılanys­tar máseleleri jónindegi orynba­sary Sara Rodjers qatysty.

Kezdesý barysynda taraptar mádenı-gýmanıtarlyq ynty­maqtastyqty odan ári damytý perspektıvalaryn talqylady. Aıda Balaeva Memleket basshylary sammıti aıasynda mádenı murany saqtaý jónindegi Birlesken málim­deme qabyldanǵanyn atap ótip, bul qujat mádenı qundylyqtar­dy qorǵaý, mýzeı isi salasyndaǵy yqpaldastyqty damytý jáne mádenı murany sıfrlandyrý baǵytyndaǵy kópjyldyq áriptestikti nyǵaı­týǵa arnalǵan ortaq ustanymdy aıqyndaıtynyn jetkizdi.

Mınıstr C5+1 formatyndaǵy yntymaqtastyq aıasyn keńeıtý birlesken jumysty jańa deńgeıge kóterýge múmkindik beretinin atap ótti. Onyń aıtýynsha, mádenıet jáne kreatıvti ındýstrııalar sa­lasyndaǵy ózara is-qımyldy kú­sheıtý, sıfrlyq jobalardy damytý, kásibı tájirıbe almasýdy jolǵa qoıý, týrıstik marshrýttardy ilgeriletý jáne halyqaralyq seriktestikti keńeıtý aldaǵy kezeń­degi negizgi basymdyqtardyń biri bolyp qala beredi.

Kezdesý qorytyndysynda qa­ty­sýshylar Ortalyq Azııa elderi men Amerıka Qurama Shtattary mádenıet mınıstrleri keńesiniń hattamasyna qol qoıdy. Qujatta taraptar mádenı murany saqtaý jónindegi Birlesken málimdemeniń erejelerin iske asyrýǵa beıildiligin qýattap, óner, ádebıet, teatr, kınematografııa jáne mýzyka salalarynda birlesken is-sharalar men festıvaldar ótkizý arqyly yntymaqtastyqty odan ári damytýǵa ýaǵdalasty.

C5+1 formatyndaǵy kezdesý aıasynda Aıda Balaeva AQSh Memlekettik hatshysynyń orynbasary Sara Rodjerspen de jeke kezdesý ótkizdi. Kelissózder barysynda mádenıet salasyndaǵy baılanystardy nyǵaıtý, sondaı-aq jasandy ıntellekt baǵytynda­ǵy birlesken jobalardy damytý máseleleri talqylandy. Taraptar qol jetkizilgen kelisimder aldaǵy ýaqytta ózara áriptestikti keńeıtýge berik negiz bolatynyna senim bildirdi.

Tashkenttegi halyqaralyq kezdesý alańy Qazaqstan men О́zbekstan arasyndaǵy mádenı-gýmanıtarlyq yntymaqtastyqty odan ári nyǵaıtýǵa da múmkindik berdi. Osyǵan oraı Aıda Balaeva О́zbekstan Respýblıkasynyń Mádenıet mınıstri Ozodbek Nazar­bekovpen ekijaqty kezdesý ótkizdi.

Taraptar eki el arasyndaǵy mádenı-gýmanıtarlyq baılanys­tardy damytý máselelerin jan-jaqty talqylap, ásirese ádebıet pen teatr óneri salalaryndaǵy yntymaqtastyqty keńeıtýge erekshe nazar aýdardy. Kezdesý barysynda 2024–2025 jyldarǵa arnalǵan is-sharalar josparynyń tolyq oryndalǵany atap ótildi.

Kelissózder qorytyndysynda Qazaqstan Respýblıkasy Mádenıet jáne aqparat mınıstrligi men О́zbekstan Respýblıkasy Máde­nıet mınıstrligi arasynda ­2026–2027 jyldarǵa arnalǵan mádenı-gýmanıtarlyq yntymaqtastyq jónindegi jańa is-sharalar josparyna qol qoıyldy. Qujat eki el arasyndaǵy mádenı baılanysty odan ári nyǵaıtýǵa, birlesken is-sharalar ótkizýdi keńeıtýge jáne ortaq jobalardy iske asyrýǵa baǵyttalǵan.

Osylaısha, Tashkentte ótken kezdesýler mádenıet salasynda­ǵy óńirlik jáne halyqaralyq yn­tymaqtastyqty jańa deńgeıge kóterýge serpin berip, Qazaqstan­nyń Ortalyq Azııa keńistigindegi mádenı yqpaldastyqty damytý­ǵa baǵyttalǵan bastamalaryna halyqaralyq qoldaýdyń joǵary ekenin kórsetti.