Depýtattar el óńirlerin aralaýda

Parlament Senatynyń depýtaty Jabal Erǵalıev aımaqtarǵa sapary aıasynda «Nur Otan» partııasy Aqmola oblystyq bólimshesi janyndaǵy «Mıras» qoǵamdyq keńesiniń kezekti otyrysyna qatysty, dep habarlady Senattyń baspasóz qyzmeti. Qazaq handyǵynyń 550 jyl­dyǵy men qazaqtyń asa kórnekti jazýshysy Ilııas Esenberlınniń týǵanyna 100 jyl tolýyna ar­nalǵan shara barysynda tarıh ǵylymdarynyń kandıdaty, dosent Amangeldi Qashqymbaevtyń «Ilııas Esenberlın» atty ǵy­lymı-tanymdyq kitabynyń tanystyrylymy boldy. Kórnekti sýretker týraly eńbekte jazýshy­nyń kópshilikke beımálim qyrla­ry zerdelenip, sýrettelgenin aıtqan senator J.Erǵalıev: «Esenberlın shyǵarmalary táýelsiz elimizdiń búgingi tarıhy tamyrynyń tereńde ekenin jetkizedi», – dedi. – Elbasy Nursultan Nazar­baev Ulytaý tórindegi oı-tol­ǵanystarynda ulttyq tarıhymyzdy zerdeleýdiń tarıhı mańyzdylyǵyn aıtqan bolatyn. Biz óz tarıhymyzdy qaıta jazyp jatqan elmiz. Bizdiń halqymyz kóne tarıhtyń qaı kezeńinde bolsyn, el men eldik, birlik pen yntymaq, ımandylyq pen izgilikti árdaıym qaster tutyp kelgendigi aqıqat. Biz ózimizdiń ótkenimizge jańasha kózqaraspen qaraı otyryp, babalarymyzdyń jáne Elbasynyń el birligin saqtaý jolyndaǵy ósıetterin eshqashan umytpaýǵa tıistimiz, – dedi senator óz sózinde. «Qazaqstan» respýblıka­lyq teleradıokorporasııa­sy aksıonerlik qoǵamy Aq­mola oblystyq fılıaly tele­dı­da­rynyń «О́zekti másele» habaryna qatysqan J.Er­ǵalıevke kóreremender men bıznes ókilde­ri jáne aýyl sharýa­shylyǵy salasynyń mamandary men jetekshileri tarapynan kóp­tegen saýaldar qoıyldy. Aqmo­lalyq kásipkerlerdi Dúnıe­júzilik saýda uıymyna múshe bolǵan eli­mizdegi taýar óndirý­shilerdiń múm­kindikteri shektelip qalmaı ma degen másele tolǵandyryp otyrǵany aıtyldy. Senator elimizdiń aldynan álemdik rynoktyń jańa múmkindikteri ashylǵaly turǵany jóninde habardar etti. *  *  * Parlament Senatynyń depýtaty Lazzat Turlashov Almaty oblysynyń Raıymbek, Sarqan jáne Uıǵyr aýdandarynda boldy, dep habarlady palatanyń baspasóz qyzmeti. Sapar barysynda depýtat oblystyń ekonomıka, áleýmettik jáne mádenı salalaryndaǵy istiń jaǵdaıymen tanysyp, jurt­­shylyqpen, máslıhat depýtattarymen jáne kásipkerlermen kezdesti. Sondaı-aq, ol Raıymbek aýda­nyndaǵy eńbek ujymdary­men kezdesti, Kegen aýylyndaǵy «Ba­laýsa» balalar baqshasy men emhanada boldy. Sarqan aýdanynda senator ortalyq jylytý qazandyǵynyń qurylysymen, N.Ostrovskıı atyndaǵy gımnazııanyń jáne «Kamenev» sharýa qojalyǵynyń jumystarymen tanysty. Al Uıǵyr aýdanynda bol­ǵan kezinde depýtat «Telman­jan» sharýa qojalyǵynyń jún jáne teri óńdeý kásipornyn ara­lady. *  *  * Májilis depýtaty Nurtaı Sabılıanov Shyǵys Qazaqstan oblysyndaǵy Úrjar aýdanynyń Kókterek, Eltaı, Aqjar, Besterek, Joǵary Eginsý jáne Jańatilek aýyldarynda saılaýshylarmen kezdesti, dep habarlady Májilistiń baspasóz qyzmeti. Sonymen qatar, ol Jańatilek pen Barqytbel aýyldarynda salynyp jatqan mektepterdiń qurylysyn, Úrjar – Taskesken avtojolyn jóndeý jumystaryn aralap, jumysshylarmen áńgimelesti. Kezdesýlerde Nurtaı Sabılıa­nov Elbasynyń «Nurly Jol – bolashaqqa bastar jol» atty halyqqa Joldaýy men bes ınstı­týttyq reformany júzege asyrý jónindegi 100 naqty qadam týraly, Parlamenttiń zań shyǵarý qyzmeti men «Nur Otan» partııasy parlamenttik fraksııasynyń jumysy týraly aıtyp berdi. Aýdan turǵyndary jol jóndeý, sybaılas jemqorlyqpen kúres, áleýmettik kómek, aýyz sý, turǵyn úı, jumys oryndaryn ashý, aýyl sharýashylyǵyn damytý, qys aılarynda kómirmen qam­tamasyz etý, bıýdjet qarjysyn tıimdi ári maqsatyna saı paıda­laný máselelerin kóterdi. Úr­jar aýdanynyń saılaýshylary Elbasynyń «Nurly Jol» baǵdar­lamasy men «100 naqty qadam» aıasynda júzege asyrylatyn is-sharalardyń el ekonomıkasyn damytý men halyqtyń ál-aýqatyn arttyrýǵa tyń serpin beretinine senim bildirip, qoldaý kórsetýde. Depýtattyń saılaýshylarmen kezdesýleri, sondaı-aq, oblystyń Aıagóz aýdanynda da jalǵasty. «Egemen-aqparat».