19

Qyzylorda oblysynda jyl basynan beri osynsha múgedek adam jeke kásibin ashýǵa nesıe aldy Múmkindigi shekteýli adamdar qoǵamnan qa­tygezdik kórmeýi tıis. Olar da árbir deni saý adam sekildi jumysyn istep, otbasyn asyrap, qajetti kómekti alýy kerek. Sońǵy jyldary mem­leket múgedekterdiń quqyn qorǵaýda, olardy áleýmettik qoldaýda, jumyspen qamtýda kóp­te­gen sharýa atqaryp keledi. Taıaýda Qyzylorda oblysy ákimdiginde múgedekterdi áleýmettik qorǵaý salasyndaǵy oblystyq úılestirý keńesiniń otyrysy ótti. Múmkindigi shekteýli jandardyń ózderin ózgeden kem sezinbeýi úshin áleýmettik máselesi durys bolýy qajet. Osy oraıda oblysta 2013 jyldan bastap múgedekterdiń quqyqtaryn qamtamasyz etý jáne ómir súrý sapasyn jaqsartý jónindegi «Jol kartasy» júzege asyrylyp keledi. Jıynda 2014-2015 jyldarǵa arnalǵan «Jol kartasynyń» oryndalýy boıynsha oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Jazıra Jylqyshıeva baıandama jasady. Búginde jalpy oblys boıynsha 27 myńnan astam múgedek bar. Olardyń 4289-y ókinishke qaraı 18 jasqa deıingi balalardyń úlesinde.  Múmkindigi shekteýli jandardyń ómirin jeńildetý maqsatynda qabyldanǵan «Jol kartasy» boıynsha 2014-2015 jyldarǵa 8,1 mıllıard teńge qarjy bólingen. Sondaı-aq, búgingi tańda jumyspen qamtý ortalyqtary arqyly 354 múmkindigi shekteýli adamdar, onyń ishinde 147 múgedek turaqty, 188 múgedek ýaqytsha jumyspen qamtyldy  jáne  19 múgedek jan jeke isin ashýǵa nesıe aldy. Aıta ketý kerek, qazir oblystyń barlyq aýdanynda «áleýmettik taksı» qyzmet etedi. Sondaı-aq, Qyzylordaǵa jańadan ákelingen 30 qoǵamdyq avtobýsta múgedekterdiń minip-túsýine jaǵdaı jasalǵan. Aldaǵy ýaqytta osyndaı 100-ge jýyq avtobýs alynady. О́tken jyly múgedekterge arnalǵan 7 aýla klýby ashylsa, bıylǵy jyly alǵash ret Qarmaqshy, Syrdarııa jáne Jańaqorǵan aýdandarynda kúndizgi bolý bólimsheler jelisi ashylyp, jumys jasaýda. Jıyn sońynda oblys ákimi Qyrymbek Kósherbaev tıisti sala basshylaryna «Jol kartasy» aıasyndaǵy  jumystardyń júzege asyrylýy, eńbekke qabiletti múm­kindigi shekteýli jandardy turaqty jumyspen qamtý, olardyń qajetti nysan­darǵa qoljetimdiligin qamta­masyz etý týraly naqty tapsyrmalar berdi. Erjan BAITILES, «Egemen Qazaqstan». QYZYLORDA.