Eýroodaq – negizgi seriktes

Aqordada Memlekettik hatshy Gúlshara Ábdiqa­lyqova elimizde mıssııasyn aıaqtaǵan Eýropalyq Odaq ókildiginiń basshysy, elshi Aýrelııa Býshezben kezdesti. Kezdesý barysynda Mem­lekettik hatshy 2011 jyldan beri EO-nyń elimizdegi ókildiginiń basshylyǵyn atqarǵan Aýrelııa Býshezge ekijaqty qarym-qa­tynasty keńeıtýdegi aýqymdy jumysyna jáne Qazaqstan men EO arasyndaǵy kelissózder úderisin damytýǵa qosqan jeke úlesi úshin alǵys bildirdi. «Siz jumys atqarǵan kezeńde ekijaqty qarym-qatynastardyń belsendiligi artyp, ol jańa deńgeıge kóterildi, Qazaqstan men EO arasynda kóptegen ıgilikti ister atqaryldy. Sizdiń osy rette beıbitshilikti, dostyqty jáne yntymaqtastyqty ny­ǵaıtýǵa qosqan eńbegińiz úshin Qazaqstan Respýblıkasynyń Qurmet gramotasymen, sondaı-aq, «Qazaqstan Konstıtýsııasyna 20 jyl» merekelik medalimen marapattalǵanyńyzben quttyq­taımyn», – dedi G.Ábdiqalyqova. Osy jylǵy 20 qańtarda Brıýs­selde Qazaqstan Respýb­lıkasy men Eýropalyq Odaq arasyndaǵy keńeıtilgen seriktestik jáne yntymaqtastyq týraly jańa kelisimdi aldyn ala dáıekteý ózara is-qımyldyń mańyzdy nátıjesine aınaldy. Oǵan bıyl kúzde qol qoıylady dep josparlanyp otyrǵanyna mán bergen Gúlshara Ábdiqalyqova syrtqy saıasat, áleýmettik-ekonomıkalyq jáne mádenı-gýmanıtarlyq salalardaǵy ózara is-qımyldyń júıeli ári oń qarqyny saqta­latynyna senim bildirdi. Kezdesýde sondaı-aq, halyq­aralyq kún tártibindegi ózek­ti máseleler men ekijaqty ynty­maqtastyqtyń keleshegi talqy­landy. О́z kezeginde Aýrelııa Býshez: «Tórt jyl ishinde ekijaqty qarym-qatynastar nyǵaıyp, odan ári tereńdeı tústi. Burynnan qalyptasqan baılanystar endi jańa deńgeıge kóteriledi, oǵan sebep Qazaqstan men Eýroodaq arasyndaǵy keńeıtilgen seriktestik pen yntymaqtastyq týraly jańa kelisim bolmaq. Al osy kelisim týrasyndaǵy kelissózderdiń men jumys atqarǵan jyldary júzege asyrylǵanyna qýanyshtymyn, jáne jýyq arada ol kelisimge qol da qoıylady degen úmittemiz», – dedi. Búgingi tańda Eýroodaq bizdiń negizgi saýda jáne ınvestısııalyq seriktesimiz bolyp sanalady. О́tken jyldyń qorytyndysy boıynsha Qazaqstannyń EO-men syrtqy saýda kórsetkishi 53 mıllıardtan astam AQSh dol­laryn qurady, bul – bizdiń eli­mizdiń barlyq syrtqy saýda aına­lymynyń jartysynan astamy. Bıylǵy qańtar-mamyr aralyǵynda atalǵan kórsetkish 13,9 mıllıard AQSh dollaryna jetti. О́tken 10 jylda Qazaqstan men EO arasyndaǵy taýar aınalymy 13 esege, al Qazaqstan ekonomıkasyna salynǵan eýropalyq ınvestısııanyń kólemi 10 esege ulǵaıdy. Qazaqstannyń taýar aınalymynyń 50 paıyzy jáne shet elderden tartylǵan ınvestısııanyń jartysynan astamy Eýropa elderiniń úlesine tıedi. Jýrnalısterge óz oıymen bólisken Aýrelııa Býshez EO-nyń Qazaqstan úshin basty áriptes ekenine toqtalyp, ony odan ári óristetýdiń mańyzyna erekshe mán berdi. «Bul rette EO Qa­zaqstanmen aradaǵy baılanys­tardy tereńdetýge, oǵan kómek qolyn sozýǵa árdaıym ázir. Saýda-ekonomıkalyq qatynastarda jáne ınvestısııalar tartýda, zań ústemdiginiń qurýynda, azamattyq qoǵamdy damytýda birge qımyldaıdy», – dep óz jumysyn baǵalap, marapattaǵan Qazaqstan tarapyna júrekten shyqqan alǵysyn jetkizdi. Anar TО́LEÝHANQYZY, «Egemen Qazaqstan».