• 18 Mamyr, 2015

Qostanaıda jyl basynan beri temirjolda eki adam qaza tapty

395 ret

kórsetildi

2 mın

oqý úshin

Egemen Qazaqstan

QOSTANAI. 18 mamyr. Jyl basynan beri Qostanaı oblysyndaǵy temirjol boıynda eki adam qaza tapty. Olar temirjoldyń boıyndaǵy belgilenbegen jerden ótem degende poıyzdyń astyna túsip qalady. О́ńirde lokomotıvtiń úı janýarlaryn qaǵyp ketken jaǵdaılary da az kezdespeıdi. Bul týraly egemen.kz tilshisi habarlady. Jyl saıyn Qazaqstandaǵy temir jol boıynda tótenshe jaǵdaılar az kezdespeıdi. Olar jol boıynda qyzmet kórsetetin qyzmetkerlerdiń kinásinen emes. Mundaı jaǵdaılardan Qostanaı oblysy da syrt qalmaı otyr. О́tken jyly alǵashqy tórt aıda 25 adam poıyz quramynynń astynda qalǵan edi. Bıyl jaǵdaı odan jaqsarǵan joq, jyl basynan beri 26 adamdy lokomotıv soǵyp ketken. О́kinishke qaraı, olardyń arasynda ólimmen aıaqtalatyny da bar. Irilendirilgen Qostanaı jol dıstansııasy óndiristik-tehnıkalyq bóliminiń bastyǵy Qýanysh Esqabylov: «Qys aıynda Peshkov-Jarkól mańynda bir adam poıyzdyń astynda qalyp qaıtys boldy. Ol temir joldan ótem degende, poıyz basyp ketti» dedi. Ásirese, avtomobıl júrgizýshileri jol boıyndaǵy qaýipti elemeıdi. Sondyqtan poıyz quramymen soqtyǵysyp jatady. Jyl basynan beri mashınalardyń poıyzben 8 ret soqtyǵýy tirkelgen. Al ótken jyly temir jol boıynda 3 jol-kólik apaty bolǵan eken. Qaraýsyz maldardyń jol boıynda júrýi de temirjolshylardyń bas aýrýyna aınalyp tur. Irilendirilgen Qostanaı jol dıstansııasynyń ınjeneri Sergeı Solomatov: «Temirjolǵa jaqyn jerlerge mal baǵylady. Mal qaraýsyz qalady da, temirjol beldeýine shyǵyp ketedi. Sonyń saldarynan poıyzdar qozǵalysynda kesheýildeý, keshigýler bolyp jatady. Al munyń ózi tasymal úderisinde biraz materıaldyq shyǵyn ákeledi», dedi. Maldy qaqpaý úshin lokomotıvti toqtatqan jaǵdaılar da boldy. Degenmen mal jıi poıyzdyń qurbany bolady. Solomatovtyń aıtýynsha, temirjol beldeýlerinde balalardyń júrýi jıi kezdesedi, olar ketip bara jatqan poıyzǵa tas atady. Qazirde temirjolshylar men polıseıler jıi reıdter jasaıtyn bolǵan. Eger balalar tarapynan ereje, quqyq buzý kezdesse, olardyń ata-anasyna aıyppul salynady. Názıra Járimbetova. Derek, sýret: alau.kz