Alla Pýgacheva 2 balasyn alyp Izraılge ketti

ASTANA. 31 naýryz. Reseıdiń belgili ánshisi Alla Pýgacheva egiz balalary – bir jarym jasar Garrı men Lızany alyp Izraılge demalýǵa ketti. Bul týraly dni.ru habarlady. Olar Jerorta teńiziniń jaǵalaýyndaǵy Keısarııa qalasyndaǵy jeke úılerdiń birine toqtaǵan. Bul jaıdy ánshi byltyr kórip, unatqan eken. A.Pýgacheva balaǵa qaraýǵa ózimen birge kútýshi ertip barmapty. Ol Garrı men Lızanyń kútimin jeke ózi qaraýdy jón kórgen. Al onyń jubaıy Maksım Galkın qoly bosaǵan kezde bala-shaǵasyna baryp qaıtpaq. Aıtpaqshy, ataqty ánshi óziniń 15 sáýirde bolatyn týǵan kúnin osy elde atap ótpek. Ol bıyl 66 jasqa tolady. Taǵy bir aıta keter jaıt, Alla Pýgacheva bul elge tek demalýǵa ǵana kelmegen kórinedi. Ol osynda belin emdetýge keletin 81 jastaǵy Galına Volchekke qoldaý bildirýdi de maqsat etip otyr. Reseıdiń halyq ártisi G.Volchek buǵan deıin Evgenıı Plıýshenko, Stanıslav Govorýhın syndy tulǵalarǵa ota jasaǵan Ilıa Pekarskııge kórinýge keledi eken. Joldybaı Bazar. Derek, sýret: dni.ru.