Ultaralyq arazdyqty qozdyrǵan azamatsha jazasyn aldy

ASTANA. 31 naýryz. Almaty qalasy Alataý aýdandyq soty Qylmystyq kodekstiń 164-baby boıynsha aıyptalǵan Tatıana Shevsova-Valovaǵa qatysty úkimdi jarııalady. Azamatshany Almaty qalasynyń turǵyndary ultaralyq arazdyqty qozdyrdy dep aıyptaǵan bolatyn. Bul týraly radiotochka.kz habarlady. Sot Talǵat Maqulov jarııalaǵan úkim boıynsha Shevsova-Valova shartty túrde 4 jylǵa bas bostandyǵynan aıryldy. Sonyń 3 jyly synaq merzimi ekenin aıta keteıik. Sondaı-aq, sottalýshynyń arnaıy memlekettik organdarǵa eskertpeı elden shyǵýǵa jáne turǵylyqty jeri men jumys ornyn aýystyrýǵa quqy joq. Odan bólek, sot kezinde ketken shyǵyn úshin ol 48 500 teńge tóleýi tıis. Bul úkimge qarsy bolǵan Shevsova-Valova apellıasııalyq-jáne kasasııalyq sotqa shaǵymdanbaq. Onyń aıtýynsha, ózine taǵylǵan aıyp dáleldenbegen. «Bul aldyn ala josparlanǵan dúnıe. Maǵan qarsy qoldanylǵan skrınsýretter qoldan jasalǵan. Munyń artynda orys ultyna qarsy jáne ultaralyq arazdyqty qozdyrýshy adamdar tur. Kórsetilgen skrınsýretter men jazbalarǵa meniń qatysymnyń bary dáleldengen joq. Fılologııalyq saraptama da jalǵan sýretter negizinde jasaldy», – deıdi sottalýshy. Al shaǵymdanýshylar úkimniń ádil bolǵanyn aıtýda. Olardyń biri BAQ ókilderine bergen suhbatynda: «Elimizdiń birtutastyǵyna syzat túsirgisi kelgen kez kelgen adam jazalanýy tıis. Sebebi, bir halyqqa qatysty aýyr sóz aıtý tutas ultqa kir keltiredi. Sondyqtan áleýmettik jelilerge jazatyn dúnıelerimizge erekshe mán berýimiz kerek. Myna jaǵdaı kópshilikke sabaq bolady dep oılaımyn», – dedi. Esterińizge sala keteıik, 2014 jyldyń kókteminde Almaty qalasynyń 11 turǵyny qalalyq ishki ister departamentine Tatıana Shevsova-Valovanyń ústinen shaǵym túsirgen bolatyn. Aryzdanýshylardyń aıtýynsha, azamatsha áleýmettik jelilerde ultaralyq arazdyqty qozdyrýmen aınalysqan. Osy iske baılanysty alǵashqy sot otyrysy 12 qańtarda ótti. Elaman Qońyr. Derek, sýret: radiotochka.kz.