Meıirimi myna álemdi keńitken

Jaqsylyqtyń shyraǵy bop jaǵylar, Janarynda izgiliktiń taby bar. Qasıettiń qyzyr qonǵan qııasy – Ana degen qudiretti tanyp al!   Aq teńizge teńer edim peıilin, Janarynda tunyp turar meıirim. Adamzatqa árkez nusqap turady ol, Beıbit ómir, amandyǵyn eliniń   Tabyndyrǵan tylsym kúshpen bar eldi, Aıtqan sózi bata dersiz, dáleldi. Bir qolymen terbetedi besikti, Bir qolymen terbetedi álemdi.   Men anadan úırengenmin – eldikti, Men anadan úırengenmin – erlikti. Men anadan úırengenmin – teńdikti, Men anadan úırengenmin – keńdikti.   Ulylyǵyn barlyq álem uǵynǵan, Aqylyna abyzdar da jyǵylǵan. Ony kórse keri ketken kesirlik, Jádigóılik jar astyna tyǵylǵan.   Meıirimen myna álemdi keńitip, Jamandyqtyqtan jiberedi jeritip. Janyńyzda jan bilmeıtin toń bar ma, Anań ony jiberedi eritip.   Aqyndar da týady eken anadan, Batyrlar da týady eken anadan. Aq jaýlyqty, aq peıildi ananyń, О́negesin óshirmeıik sanadan. Alma TÚSIPBEKOVA,  Farıza Ońǵarsynova atyndaǵy aqyndar músháırasynyń júldegeri.