Jalpy otyrystyń kún tártibi naqtylandy

Keshe palata Spıkeri Qabıbolla Jaqypovtyń tóra­ǵaly­ǵymen Májilis bıýrosy ótip, jalpy otyrystyń kún tár­tibi naqtylandy, dep habarlady osy palatanyń baspasóz qyzmeti. Halyq qalaýlylarynyń nazaryna azamattyq prosestik zańnamany jetildirý máse­le­leri boıynsha ilespeli túze­týlerimen Azamattyq prosestik kodekstiń jobasy birinshi oqylymda usynylatyn boldy. Sondaı-aq, palata eki ra­tıfıkasııalyq zań jobasy boıynsha qorytyndy ázirleý merzimin taǵaıyndamaq. Olar: 2009 jylǵy 6 qazandaǵy Jerdi qashyqtyqtan zondtaýdyń ǵarysh júıesin jáne ǵarysh apparattarynyń qurastyrý-synaý keshenin qurý men paıdalaný sharttary týraly Qazaqstan-Fransııa kelisimine ózgerister men tolyqtyrýlar engizý týraly hattama jáne Qazaqstan Respýblıkasynyń Úkimeti men Dúnıejúzilik den­saýlyq saqtaý uıymy ara­syndaǵy Qazaqstan Res­pýb­lıkasynyń Almaty qalasynda Dúnıejúzilik densaýlyq saqtaý uıymynyń medısınalyq-sa­nıtarııalyq alǵashqy kómek jónindegi geografııalyq ja­ǵynan qashyq ornalasqan ofısin ashý týraly kelisimdi ratıfıkasııalaý. Jalpy otyrystyń kún tártibi jobasynda Qazaqstan Respýblıkasynyń keıbir zań­namalyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly Senat engizgen ózgerister men tolyqtyrýlar jóninde másele de qamtylǵan.