Ońtaıly bıýdjet ıgergenge ońaı Senatorlar 2015-2017 jyldarǵa arnalǵan respýblıkalyq bıýdjetke túzetýlerdi qabyldady

Keshe Qasym-Jomart Toqaevtyń tóraǵalyq etýimen Parlament Senatynyń otyrysy boldy. Egjeı-tegjeıli talqylaýdan keıin senatorlar 2015-2017 jyldarǵa arnalǵan respýblıkalyq bıýdjetke túzetýlerdi qabyldady.  Ekonomıka salalarynyń 2014 jylǵy damýynyń aldyn ala derekterin jáne ne­giz­gi eksporttyq taýarlarǵa álem­dik taýar naryqtaryndaǵy aǵym­daǵy ahýaldy eskere otyryp, Qazaqstan Respýblıkasynyń áleý­mettik-ekonomıkalyq da­mýynyń 2015-2019 jyl­dar­ǵa arnalǵan boljamyn túzetý 2015 jylǵa arnalǵan respýblıkalyq bıýdjetti naq­tylaý úshin negiz bolyp tabylady. Bıylǵy 11 aqpandaǵy Úkimettiń keńeıtilgen otyrysynda Memleket basshysy N.Á.Nazarbaev alǵa qoıǵan tapsyrmalaryna sáıkes «Nur­ly Jol» memlekettik baǵ­dar­lamasyndaǵy daǵdarysqa qarsy jańa sharalardy iske asyrý úshin Ulttyq qordyń nysanaly transfertteri ulǵaıatyn boldy. Senatorlar A.Kúzekov, V.Bobrov, B.Elamanov, S.Bek­turǵanovtyń bıýdjetti jos­parlaýdy jetildirý, syrtqy qaryzdy jabý, sondaı-aq, kólik ınfraqurylymyn, tur­ǵyn úı qatynastary salasy jó­nindegi saýaldaryna Pre­mer-Mınıstrdiń birinshi oryn­basary B.Saǵyntaev, Qar­jy, In­vestısııa jáne damý mı­nıstr­leri jaýap berdi. Úkimettiń daǵdarysqa qarsy sharalaryn qoldaý turǵysynda senatorlar E.Saǵyndyqov, M.Kóbenov, V.Red­kokashın, O.Perepechına, Á.Bektaev sóz sóıledi. Parlament Senaty Tóraǵasynyń usynysy boıynsha B.Meldeshov pen L.Sú­leımen Qazaqstan Respýblıkasy Or­ta­lyq saılaý komıssııasynyń mú­shesi laýazymyna bes jyl merzimge taǵaı­yndaldy. Palata birqatar halyqaralyq qu­jat­tardy, atap aıtqanda: 2010 jyl­ǵy 9 jeltoqsandaǵy Qazaqstan men Reseı Úkimetteri arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgeris engizý týraly hat­tamany; Halyqaralyq áýe tasymal­darynyń keıbir qaǵıdalaryn biriz­dendirýge arnalǵan konvensııany jáne Halyqaralyq valıýta qory Kelisiminiń baptaryna túzetýlerdi ratıfıkasııalady. Depýtattar Qazaqstan Res­pýb­lıkasynyń keıbir zańnamalyq aktilerine saqtandyrý jáne ıslamdyq qarjylandyrý máseleleri boıynsha túzetýlerdi birinshi oqylymda maquldady. Bul másele boıynsha L.Turlashov, B.Bek­nazarov jáne B.Áıtimova óz eskertpeleri men usynystaryn aıtty. Senatorlar Qazaqstan Respýb­lıka­synyń keıbir zańnamalyq aktilerine densaýlyq saqtaý máseleleri boıynsha túzetýlerdi qabyldady. Qujat densaýlyq saqtaý salasyndaǵy memlekettik retteýdi jáne basqarýdy jetildirýge, halyqtyń densaýlyǵyn nyǵaıtý men ómir súrý uzaqtyǵyn ulǵaıtýǵa, densaýlyq saqtaý salasy kadrlyq resýrstarynyń áleýetin arttyrýǵa, dárilik saıasatty jetildirýge baǵyttalǵan. Halyqaralyq áıelder kúni qarsańynda Senat Tóraǵasy Q.Toqaev senatorlar B.Áıtimovany, L.Poltorabatkony jáne O.Perepechınany kele jatqan merekemen quttyqtady. Senat Tóraǵasy senatorlardyń parlamentarızmdi jáne memleket qurylysyn damytýǵa qosqan zor úlesin atap ótti. Asqar TURAPBAIULY, «Egemen Qazaqstan».