Alǵashqy týrda eki oıynda ǵana jeńimpaz anyqtaldy

ASTANA. 7 naýryz. Búgin fýtboldan Qazaqstan premer-lıgasynyń tusaýy kesildi. Soǵan oraı el fýtbolynyń elıtalyq tobynda oınaıtyn 12 komanda jasyl alańǵa shyqty. Bul týraly egemen.kz habarlady. Ádettegideı alǵashqy týrda aıtarlyqtaı oqıǵa tirkelmedi. Tipti alty oıynda barlyǵy 10 ǵana gol soǵyldy. Al eki kezdesýde múldem esep ashylǵan joq. Sondaı-aq, tek eki oıynda jeńimpaz anyqtalyp, tórt básekede teń nátıje tirkeldi. Týrdyń ortalyq kezdesýi Almatyda ótti. Jankúıerlerdiń qyzyǵýshylyǵyn týdyrǵan oıynda jergilikti «Qaırat» Qostanaıdyń «Tobylyn» qabyldady. Qos komandanyń da el fýtbolynda ózindik orny bar. Sol sebepti de ortalyq kezdesýge balanǵan oıynnan kópshilik eki myqtynyń arasyndaǵy naǵyz tartysty kútken edi. Degenmen, otandyq fýtbolsúıer qaýymnyń úmiti aqtalmaı, oıyn órnegi tek bir komandanyń baqylaýymen órbidi. Bul oıynda bıylǵy chempıonattyń alǵashqy het-trıgi tirkelgenin aıta keteıik. «Tobyldyń» qaqpasyn úsh márte dál kózdegen Jerar Goý ázirge mergender kóshin bastap tur. Oıynnyń 78-mınýtynda «Qaırat» sapynan Zaýrbek Plıev qyzyl qaǵaz alyp, alańnan qýyldy. Soǵan qaramastan, qostanaılyqtar esep aıyrmasyn qysqarta almady. Tipti almatylyqtar on oıynshymen júrip-aq tórtinshi goldaryn soǵyp, jankúıerleriniń alǵysyna bólendi. Nátıjesinde, alań ıeleri 4:0 esebimen jeńiske jetti. Birinshi týrdyń qorytyndysy tómendegideı: «Qaısar» (Qyzylorda) – «Jetisý» (Taldyqorǵan) – 0:0 «Taraz» – «Shahter» (Qaraǵandy) – 0:0 «Ordabasy» (Shymkent) – «Ertis» (Pavlodar) – 1:1 Goldar: I.Bojıch 12 (1:0), A.Gatagov 45 (1:1). «Aqtóbe» – «Atyraý» – 1:1 Goldar: M.Baıjanov 45 (0:1), D.Jalmuqan 62 (1:1). «Astana» – «Oqjetpes» (Kókshetaý) – 2:0 Goldar: R.Kanıas 37 (1:0), P.Tvýması 59 (2:0). «Qaırat» (Almaty) – «Tobyl» (Qostanaı) – 4:0 Goldar: J.Goý 16 (1:0), J.Goý 25 (P) (2:0), B.Islamhan 55 (P) (3:0), J.Goý 90 (4:0). 2-týr oıyndary 11 naýryzda ótedi: «Aqtóbe» – «Qaırat». «Ertis» – «Astana». «Atyraý» – «Taraz». «Shahter» – «Ordabasy». «Oqjetpes» – «Qaısar». «Jetisý» – «Tobyl». Elaman Qońyr. Derek: egemen.kz. Sýret: prosportkz.kz.