Borıs Nemsovtyń ólimine besinshi kúdikti anyqtaldy

ASTANA. 8 naýryz. Reseı tergeý komıteti saıasatker Borıs Nemsovtyń ólimine qatysy bar degen besinshi kúdiktini qamaýǵa alýǵa talap etip jatyr. Bul týraly tergeý komıteti resmı ókili Vladımır Markınniń sózine silteme jasaǵan «Gazeta.Ru» habarlady. «Tergeý komıteti Borıs Nemsovtyń ólimine qatysy bar besinshi fıgýrantty qamaýǵa alýǵa kepildeme berip otyr», - delingen habarlamada. Budan buryn Groznyıda polıseılerdiń ustaýǵa áreket jasap jatqan kezinde taǵy bir kúdiktiniń granataǵa jarylyp qaza tapqany habarlanǵan. Ol Sheshenstan ortalyǵyndaǵy kóp qabatty úılerdiń páterinde jasyrynyp jatqan jerinen izdep kelgen quqyq qorǵaýshylarǵa oq jaýdyrǵan. Sosyn tártip saqshylaryna qaraı laqtyrǵan granatasynyń jaryqshaǵy ózine tıip, sol jerde qaza tabady. Al polıseıler arasynan zardap shekkender bolmaǵan. Tergeý onyń da Nemsovtyń ólimine qatysýy bolýy múmkin ekenin aıtyp otyr. Qazirgi tańda tórt kúdikti qolǵa túsken. Olardyń arasynda qoldaryna alǵashqy bolyp kisen salynǵan Anzor Gýbashev pen Zaýr Dadaevtan basqa, Anzordyń týǵan inisi jáne taǵy bir jigit bar. Murat Aıtqoja. Derek, foto: Gazeta.Ru.