ASTANA. 8 naýryz. Tennısten Devıs kýbogynyń 1/8 fınalynda Mıhaıl Kýkýshkın álemniń 35-raketkasy Andreas Seppıdi 3:0 (7:6 (10:8), 6:0, 6:4) esebimen jeńdi. Sonyń nátıjesinde, Qazaqstan men Italııa arasyndaǵy aıqasta tarazy basy teńesip, esep 2:2-ge jetti. Bul týraly egemen.kz habarlady.
Alǵashqy sette qarsylastar bir-birden breık jasap, jeńimpazdy anyqtaý úshin taı-breıkke júgindi. Bul synda tennısshiler 18 márte dopty oıynǵa qosqanyn aıta keteıik. Sonyń 10-ynda otandasymyzdyń mereıi ústem boldy.
Ekinshi sette Italııa sengen Seppı bar bilgeninen jańyldy. Nebári 29 mınýtqa sozylǵan sette Kýkýshkın qarsylasyna eshqandaı upaı bermedi.
Kelesi kezeń de Mıshanyń basymdyǵymen bastaldy. Salǵan jerden Andreastyń dobyn óz paıdasyna jazǵan tennısshimiz eshqandaı qatelikke boı aldyrmaı sette jáne jalpy oıynda jeńiske jetti.
Ázirge qos komanda arasyndaǵy jalpyesep 2:2. Qorjynymyzdaǵy eki upaıdy da Kýkýshkın alyp berdi. Alǵashqy jarys kúni ol Sımone Bolellıdi jeńgen edi.
Dál qazir Astanadaǵy «Dáýlet» Ulttyq tennıs ortalyǵynda qazaqstandyq Aleksandr Nedovesov pen Italııa tennısshisi Fabıo Fonını kúsh synasýda. Bul jalpy jarystyń taǵdyryn sheshetin tartys. Iаǵnı, qaı jeńgeni komandasyn Devıs kýbogynyń shırek fınalyna alyp shyǵady. Ázirge eki settiń qorytyndysy boıynsha esep 1:1.
Negizi sońǵy oıynda kortqa Andreı Golýbev pen Sımone Bolellı shyǵýy tıis bolatyn. Degenmen, qos komandanyń kapıtandary quramǵa ózgeris engizip, ózge tennısshilerge múmkindik berdi.
Elaman Qońyr.
Derek: egemen.kz.
Sýret: daviscup.com.
