ASTANA. 8 naýryz. Qurlyqtyq hokkeı lıgasynyń pleı-off básekesinde baq synaıtyn Astananyń «Barysy» Ombynyń «Avangardymen» altynshy oıyndy ótkizdi. Astanadaǵy «Qazaqstan» sport kesheninde ótken tartysta «Barys» 4:1 esebimen jeńiske jetti. Bul týraly egemen.kz habarlady.
Alǵashqy kezeń asa tartysty ótkenimen, esep ashylmady. Al ekinshi kezeńde aıdyn ıeleri tizgindi óz qoldaryna alyp, júıeli oıyn órnegin kórsetti. Nátıjesinde oıynnyń 25-mınýtynda Roman Savchenko mergendigimen kózge túsip, komandasyn alǵa shyǵardy. Arada nebári eki mınýt ótkende, «Barys» hokkeıshileri esepti eseledi. Bul joly nátıjeli soqqy jasaǵan Roman Starchenko.
Úshinshi kezeń «Avangardtyń» basymdyǵymen bastaldy. 45-mınýtta Kırıll Semenov Iаn Laso qorǵaǵan qaqpadan sańylaý taýyp, esep aıyrmasyn qysqartty. Degenmen, kezeńniń qalǵan bóligi astanalyqtardyń baqylaýymen ótti. Qarsylastarynyń qysymyna shydamaǵan «Avangardtyń» qos birdeı hokkeıshisi - Nıkolaı Glýhov pen Vadım Homıskıı 11 jáne 12-mınýttarda birinen soń biri aıdynnan qýyldy. Oıynshy basymdyǵyn paıdalana almaǵanymen, «Barys» hokkeıshileri 16-mınýtta úshinshi shaıbalaryn soqty. Dastın Boıdtan pas alǵan Naıdjel Doýs goldyń avtory atandy. Oıynnyń sońǵy mınýtynda «Avangardtyń» bas jattyqtyrýshysy Raımo Sýmannen qaqpashynyń ornyna altynshy oıynshyny shyǵaryp, táýekelge bel býdy. Alaıda, bul áreketi esh nátıje bermedi. Esesine, aıdyn ıeleri sapynan Konstantın Pýshkarev bos qaqpany dál kózdep esepti 4:1-ge jetkizdi.
Osy jeńisinen keıin «Barys» pen «Avangard» arasyndaǵy aıqastyń jalpy esebi teńesip, 3:3-ke jetti. Sońǵy sheshýshi oıyn 10 naýryzda Ombyda ótedi. Sol tartysta jeńiske jetken komanda Gagarın kýbogy úshin jarysty jalǵastyrady.
Elaman Qońyr.
Derek: egemen.kz.
Sýret: hcbarys.kz.
ASTANA. 8 naýryz. Qurlyqtyq hokkeı lıgasynyń pleı-off básekesinde baq synaıtyn Astananyń «Barysy» Ombynyń «Avangardymen» altynshy oıyndy ótkizdi. Astanadaǵy «Qazaqstan» sport kesheninde ótken tartysta «Barys» 4:1 esebimen jeńiske jetti. Bul týraly egemen.kz habarlady.
Alǵashqy kezeń asa tartysty ótkenimen, esep ashylmady. Al ekinshi kezeńde aıdyn ıeleri tizgindi óz qoldaryna alyp, júıeli oıyn órnegin kórsetti. Nátıjesinde oıynnyń 25-mınýtynda Roman Savchenko mergendigimen kózge túsip, komandasyn alǵa shyǵardy. Arada nebári eki mınýt ótkende, «Barys» hokkeıshileri esepti eseledi. Bul joly nátıjeli soqqy jasaǵan Roman Starchenko.
Úshinshi kezeń «Avangardtyń» basymdyǵymen bastaldy. 45-mınýtta Kırıll Semenov Iаn Laso qorǵaǵan qaqpadan sańylaý taýyp, esep aıyrmasyn qysqartty. Degenmen, kezeńniń qalǵan bóligi astanalyqtardyń baqylaýymen ótti. Qarsylastarynyń qysymyna shydamaǵan «Avangardtyń» qos birdeı hokkeıshisi - Nıkolaı Glýhov pen Vadım Homıskıı 11 jáne 12-mınýttarda birinen soń biri aıdynnan qýyldy. Oıynshy basymdyǵyn paıdalana almaǵanymen, «Barys» hokkeıshileri 16-mınýtta úshinshi shaıbalaryn soqty. Dastın Boıdtan pas alǵan Naıdjel Doýs goldyń avtory atandy. Oıynnyń sońǵy mınýtynda «Avangardtyń» bas jattyqtyrýshysy Raımo Sýmannen qaqpashynyń ornyna altynshy oıynshyny shyǵaryp, táýekelge bel býdy. Alaıda, bul áreketi esh nátıje bermedi. Esesine, aıdyn ıeleri sapynan Konstantın Pýshkarev bos qaqpany dál kózdep esepti 4:1-ge jetkizdi.
Osy jeńisinen keıin «Barys» pen «Avangard» arasyndaǵy aıqastyń jalpy esebi teńesip, 3:3-ke jetti. Sońǵy sheshýshi oıyn 10 naýryzda Ombyda ótedi. Sol tartysta jeńiske jetken komanda Gagarın kýbogy úshin jarysty jalǵastyrady.
Elaman Qońyr.
Derek: egemen.kz.
Sýret: hcbarys.kz.
