Nemsovtyń ólimi boıynsha eki kúdiktige aıyp taǵyldy

ASTANA. 8 naýryz. Máskeýdiń Basman aýdandyq soty saıasatker Borıs Nemsovtyń ólimine kúdikti Zaýr Dadaev pen Anzor Gýbashevke aıyp taqty. Bul týraly TASS tilshisi búgin sot zalynan habarlady. «Gýbashev Anzor men Dadaev Zaýrge aıyp taǵyldy, olar jónindegái kepildemelerge baılanysty tyńdaýdar endi jeke-jeke júrgiziledi», - dep málim etti sottyń baspasóz hatshysy Anna Fadeeva. Ol sondaı-aq istiń basqa fıgýranttary – «Eskerhanovtyń, Sh.Gýbashevtyń jáne Bahaevtyń sottyń kelesi otyrysynda tyńdalatynyn atap ótti. TASS tilshisi habarlaǵandaı, sot úıi aldyndaǵy qaýipsizdik sharalary kúsheıtilgen, munda onǵa jýyq polısııa avtobýstary kezekshilikte tur, ǵımaratqa keletin joldardyń bári jabylǵan. Jeksenbi kúni erteńgilik tergeý komıtetiniń resmı ókili Vladımır Markın tergeýdiń bes kúdiktini qamaýǵa alý jóninde kepildeme beretinin aıtty. Murat Aıtqoja. Derek, sýret: TASS.