«Arlandar» qatarynan segizinshi ret jeńiske jetti

ASTANA. 8 naýryz. Búkilálemdik boks serııasynda (WSB) el namysyn qorǵaıtyn «Astana arlandary» Venesýelada jergilikti «Caciques Venezuela» komandasyn 3:2 esebimen jeńdi. Bul týraly egemen.kz habarlady. Jasyratyny joq, otandyq jankúıerler bul jekpe-jekte «arlandardyń» ońaı jeńiske jetetinine senimdi bolǵan. Oǵan basty sebep, astanalyqtardyń bıylǵy maýsymdaǵy qarqyny. Osyǵan deıin 7 jekpe-jek ótkizip, barlyǵynda jeńiske jetken bizdiń komanda Venesýelaǵa favorıt retinde attandy. Tek bul aıqasta emes, jalpy bıylǵy maýsymdaǵy chempıondyqtan basty úmitker «arlandarǵa» dál venesýelalyqtar laıyqty qarsylyq kórsetedi dep eshkim oılamaǵany anyq. Onyń ústine, latynamerıkalyq boksshylar búginde «V» tobyndaǵy 7 komandanyń arasynda 5-orynda keledi. Qos komandanyń alǵashqy aınalymdaǵy kezdesýinde «arlandardyń» 5:0 esebimen «talap» tastaǵany taǵy bar. Sondyqtan bul tartysta qazaqstandyq komandanyń jeńisine eshkim kúmán keltirmedi. Alaıda, Venesýela astanasy Karakastaǵy aıqas biz oılaǵandaı ońaı bolmady. Tipti jekpe-jek barysynda jalpyesepte sharshy alań qojaıyndarynyń alǵa shyqqan kezi de tirkeldi. Dese de, tájirıbe men sheberliktiń septigimen Marat Jakıevten tálim alatyn boksshylarymyz maýsymdaǵy segizinshi jeńisterine qol jetkizdi. Venesýeladaǵy aıqastyń nátıjesi mynadaı: 52 keli, Karlos Oskanıo Peres – Oljas Sáttibaev – 0:3 (46:49, 45:50, 46:49). 60 keli, Makaıo Leıva – Zákir Safıýllın – 2:1. 69 keli, Maestre Peres Gabrıel – Aslanbek Shymbergenov – 3:0 (50:44, 50:44, 50:45). 81 keli, Ramıres Dıýran Albert Ramon – Hrvoe Sep – 1:2 (47:48, 47:48, 48:47). +91 keli, Edgar Mýnos – Fılıpp Hrgovıch – tehnıkalyq nokaýt (TKO, R2). Osy jeńisinen keıin «Astana arlandary» qorjyndaǵy upaı sanyn 24-ke jetkizdi. Bul kórsetkishpen bizdiń boksshylar WSB jobasynyń «V» tobynda jeke dara kósh bastap keledi. Al «A» tobynda dál sondaı upaıǵa ıe Kýbanyń «Cuba Domadores» komandasy top bastap tur. «Arlandar» kelesi jekpe-jekterin 13 naýryzda Polshanyń «Rafako Hussars Poland» komandasyna qarsy ótkizedi. Bul tartystyń Shymkentte ótetinin aıta keteıik. Elaman Qońyr. Derek: egemen.kz. Sýret: astanaarlans.kz.