Prezıdenttikke úmitkerlikke 15 adam tilek bildirdi

ASTANA. 9 naýryz. Búgin Ortalyq saılaý komıssııasynda Qazaqstan Respýblıkasy Prezıdenti saılaýyna úmitkerler usynýdyń barysy jáne Ortalyq saılaý komıssııasynyń Qazaqstan Respýblıkasy Prezıdenti saılaýyn uıymdastyrý jónindegi jumystary týraly brıfıngi boldy. Bul týraly Ortalyq saılaý komıssııasynyń baspasóz qyzmeti habarlady. Ortalyq saılaý komıssııasynyń 26 aqpanda bekitken kúntizbelik josparyna sáıkes, 2015 jylǵy 26 sáýirge belgilengen Qazaqstan Respýblıkasy Prezıdentiniń kezekten tys saılaýyna úmitkerler usyný bastaldy. Qazaqstan Respýblıkasy Ortalyq saılaý komıssııasyna 2-9 naýryz aralyǵynda ózin ózi usyný jolymen 14 ótinish tústi. О́zin ózi usyný jolymen myna azamattar óz kandıdatýralaryn usyndy:

1. Syrǵabaev Asqar Jorabaıuly;
2. Aldajanov Safıolla Qalabaıuly;
3. Qoıshıeva Lımana;
4. Ábdikárimov Baqyt Tólegenuly;
5. Myrzashov Sýhrab Amınjanuly;
6. О́kteshbaev Esenbek Japaruly;
7. Júnisbekov Iаkobjan;
8. Juman Qaırat Toqtaruly;
9. Serǵazın Erjan Merekenuly;
10. Maıshev Qaırat Álembaıuly;
11. Qaısarov Ýálıhan Ábishuly;
12. Estemesov Baqtııar О́ksikbaıuly;
13. Turageldıev Qanat Sbashuly.

Syzdyqov Turǵyn Ysqaquly «Qazaqstan halyqtyq kommýnıstik partııasy» qoǵamdyq birlestigi atynan usynyldy. Ortalyq saılaý komıssııasy Qazaqstan Respýblıkasy Prezıdenttigine kandıdattardyń Konstıtýsııa men saılaý týraly zańnama talaptaryna qanshalyqty saı keletinderi tekserý jónindegi qajetti sharalardy júrgizedi. Bas prokýratýra men Ishki ister mınıstrligine tıisti suraýlar jiberildi. Qazaqstan Respýblıkasy Prezıdenttigine kandıdattardyń memlekettik tildi qanshalyqty dárejede erkin meńgergenderi jóninde lıngvıstıkalyq komıssııa tekserý júrgizedi. Qazirgi tańda birqatar úmitkerlerdi tekserýdiń qorytyndylary belgili boldy. Ábdikárimov Baqyt Tólegenuly, Myrzashov Sýhrab Amınjanuly áli qyryqqa tolmaǵan, osyǵan baılanysty 2015 jylǵy 6 naýryzda Ortalyq saılaý komıssııasy olardy tirkeýden bas tartty. Budan basqa, Ortalyq saılaý komıssııasy lıngvıstıkalyq komıssııanyń qorytyndysyna baılanysty taǵy eki úmitkerdi – Syrǵabaev Asqar Jorabaıuly men Aldajanov Safıolla Qalabaıulyn tirkeýge alǵan joq. 6 naýryz kúni Qoıshıeva Lımanaǵa qatysty Konstıtýsııa men saılaý týraly zańnyń talaptaryna sáıkes tıisti qaýly qabyldady. Oǵan óz kandıdatýrasyn qoldaýshylar qoldaryn jınaıtyn paraqsha tapsyryldy. «Ortalyq saılaý komıssııasy tipti úmitkerlerdiń óz qoldarymen jazǵan málimetteriniń ózin tekseredi. Mysalǵa ózin ózi usynǵan Ý.Qaısarov Prezıdenttikke úmitker bolyp túsýge nıeti bar ekeni týraly ótinishinde óz qolymen basqa memlekettiń azamaty bolyp tabylatynyn jazypty. Atalmysh másele boıynsha biz Ishki ister mınıstrligine bul málimetti tekserip berýdi suraǵan ótinish joldadyq. Sondaı-aq úmitkerdiń memlkettik tilde jazǵan ómirbaıandyq málimetterinde birneshe qate bar», - dedi brıfıng barysynda Ortalyq saılaý komıssııasynyń múshesi L.J.Súleımen. Murat Aıtqoja. Derek: election.kz.