Semeıde úıine kelgen qonaqty óltirgen adam sottaldy

ASTANA. 10 naýryz. Semeıde úıine kelgen qonaq áıeldi óltirgen er adamǵa úkim shyqty. Ol endi ómiriniń toǵyz jarym jylyn túrmede ótkizetin boldy. Bul týraly YK-news.kz habarlady. Tarata aıtar bolsaq, qaza tapqan áıel kórshisine masań kúıinde kelgen. Aıyptalýshynyń aıtýynsha, ol onyń mazasyn alǵan. Úı ıesi de ishimdik ishken. Shaqyrýsyz qonaqqa rıza bolmaǵan ol onyń úıden shyǵýyn talap etken. Alaıda, áıel adam shyǵa qoımaǵan. Sodan, ashýlanǵan úı ıesi ony uryp-soǵyp, tunshyqtyryp óltirgen. Qylmysyn jasyrý úshin betindegi qandy súrtip, kógergen tustaryna krem jaqqan. Sodan keıin onyń denesin kóshege shyǵaryp, sharbaqtyń janyna qaldyryp ketken. Qylmysy dáleldengen er adamdy Shyǵys Qazaqstan oblystyq soty qasqana kisi óltirgeni úshin 9 jarym jylǵa bas bostandyǵynan aıyrdy. Joldybaı Bazar. Derek: YK-news.kz. Sýret: minval.kz.